O artigo 59.6.b) da Lei 30/1992, do 26 de novembro, de réxime xurídico das administracións públicas e do procedemento administrativo común, establece que a publicación substituirá a notificación cando se trate de procedementos selectivos ou de concorrencia competitiva.

Vistos os recursos de alzada interpostos por Miguel Ángel Pérez Blanco e doce máis contra a Resolución do 4 de maio de 2016, da Dirección Xeral de Desenvolvemento Pesqueiro, pola que se aproba o baremo para acceder ás modalidades de recursos específicos no permiso de explotación das embarcacións, así como para elaborar as listas e actualizar os méritos para o incremento do número de cotas de captura para as embarcacións incluídas nun plan de xestión de recursos específicos, procede dar traslado destes a cantos poidan ser interesados para que no prazo de 10 días aleguen canto consideren procedente, de acordo co disposto no artigo 112.2 da Lei 30/1992, do 26 de novembro.

As persoas interesadas poderán comparecer nas oficinas da Secretaría Xeral Técnica da Consellería do Mar, sitas no Edificio Administrativo San Caetano, s/n, 15781 Santiago de Compostela, das 9.00 ás 14.00 horas, de luns a venres, para o coñecemento íntegro dos recursos presentados.

Santiago de Compostela, 25 de outubro de 2016

Mª Isabel Concheiro Rodríguez-Segade
Secretaria xeral técnica da Consellería do Mar