Con data do 14 de outubro de 2016, a Secretaría Xeral de Emprego da Consellería de Economía, Emprego e Industria asinou o requirimento para a achega ou emenda de documentación para a tramitación da solicitude presentada pola entidade Textil Costa Oeste Link, co número de expediente TR341E 2016/1, en virtude da competencia atribuída no artigo 5 da Orde do 20 de xullo de 2016 pola que se establecen as bases reguladoras do Programa para a promoción da integración laboral das persoas con discapacidade en centros especiais de emprego.

Intentada a notificación deste acordo dúas veces non foi posible a súa práctica, en consecuencia, por medio deste anuncio no Boletín Oficial del Estado e no Diario Oficial de Galicia, e segundo o disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle ao interesado o contido do requirimento que figura como anexo para que poida ter coñecemento del e formular as alegacións que considere pertinentes.

De acordo co artigo 5 da citada orde, a Secretaría Xeral de Emprego da Consellería de Economía, Emprego e Industria asume a competencia para coñecer e resolver as solicitudes previstas nesta orde, por delegación da persoa titular da Consellería de Economía, Emprego e Industria.

De conformidade co previsto no artigo 84 da Lei 30/1992, do 26 de novembro, de réxime xurídico das administracións públicas e do procedemento administrativo común, concédeselle ao interesado un prazo de dez días hábiles, que comezará a contar a partir do día seguinte ao da publicación deste anuncio no Boletín Oficial del Estado, para que poida formular as alegacións e presentar a documentación que xulgue pertinente, ante a Secretaría Xeral de Emprego da Consellería de Economía, Emprego e Industria.

Lémbraselle tamén o seu dereito a consultar o expediente dentro do mesmo prazo, depositado nas dependencias da Secretaría Xeral de Emprego da Consellería de Economía, Emprego e Industria, situadas na rúa San Lázaro, s/n, en Santiago de Compostela, e a obter, no seu caso, copia deste requirimento, segundo o previsto na letra a) do artigo 35 da Lei 30/1992, do 26 de novembro. O interesado poderá presentarse nestas dependencias das 9.00 ás 14.00 horas, de luns a venres.

Santiago de Compostela, 7 de novembro de 2016

Covadonga Toca Carús
Secretaria xeral de Emprego

ANEXO

Nº de expediente: TR341E 2016/2-0.

Beneficiario: Textil Costa Oeste Link.

CIF: B-27727064.

Nº Rexistro Administrativo de Centros Especiais de Emprego: 160-GZ.

Último domicilio coñecido: Travesía de Ourense, Edificio Oleaxe, local nº 3, 36960 Sanxenxo, Pontevedra.

Procedemento: subvención en función do investimento en activo fixo (TR341E).

Data de presentación da solicitude: 13.8.2016.

Contido da cédula: requirimento para achega ou emenda de documentación.