En cumprimento do disposto no artigo 13.3 do Real decreto 416/2015, do 29 de maio, sobre depósito de estatutos das organizacións sindicais e empresariais, e para os efectos previstos nel, faise público que na oficina pública de depósito dos estatutos de organizacións sindicais e empresariais desta secretaría xeral, procedeuse a depositar a baixa da Asociación Galega de Empresas de Servizos para Eventos (Agase), segundo acordo de disolución da asociación adoptado na asemblea xeral extraordinaria celebrada o 27 de setembro de 2016 en Santiago de Compostela.

– Ámbito territorial: Comunidade Autónoma de Galicia.

– Ámbito profesional: empresarios dedicados ao alugamento de maquinaria, equipamentos técnicos, bens e deseño, produción, certificación e prestación de servizos técnicos de espectáculos e eventos da Comunidade Autónoma galega.

– Asinan a acta: José Sacarrera Malvar (vicepresidente en funcións), Ricardo Sende Ramos (tesoureiro en funcións) e Carlos Boado García.

Santiago de Compostela, 25 de outubro de 2016

Covadonga Toca Carús
Secretaria xeral de Emprego