Mediante a Orde do 27 de xullo de 2016 (Diario Oficial de Galicia número 151, do 10 de agosto), a Consellería de Cultura, Educación e Ordenación Universitaria e a Consellería de Economía, Emprego e Industria convocaron as axudas para a consolidación e estruturación de unidades de investigación competitivas e outras accións de fomento nas universidades do SUG, nos organismos públicos de investigación de Galicia e noutras entidades do Sistema galego de I+D+i.
O artigo 15 da dita orde detalla as aplicacións orzamentarias e o importe económico previsto para toda a convocatoria pola Consellería de Cultura, Educación e Ordenación Universitaria e a Axencia Galega de Innovación, e establece que os créditos poderán redistribuírse por cada unha das entidades financiadoras entre as diferentes modalidades e anualidades cando o volume de solicitudes presentadas e avaliadas favorablemente así o requira.
Tendo en conta o volume de solicitudes presentadas polas universidades do SUG ante a Consellería de Cultura, Educación e Ordenación Universitaria, a complexidade técnica que implica a avaliación destas solicitudes e o escaso espazo temporal que terían os beneficiarios para facer efectivo o gasto, faise necesario redistribuír a dotación orzamentaria prevista para as universidades do SUG no ano 2016 nas modalidades de axuda de grupos de referencia competitiva (GRC), grupos con potencial de crecemento (GPC) e redes de investigación (redes), de maneira que se traspase para a última anualidade de cada modalidade, para facer máis racional e factible a concesión destas axudas. Esta modificación non supón alteración do importe global previsto na convocatoria.
Así mesmo, para as demais entidades solicitantes, en todas as modalidades de axuda convocadas e dada a escasa marxe temporal que hai para facer efectivo o gasto, faise necesario ampliar o prazo de xustificación do gasto no ano 2016 ata o 26 de decembro.
En consecuencia, e no uso das atribucións que temos conferidas,
ACORDAMOS:
Artigo único. Modificación dos artigos 9, 10 e 15 e do artigo 3 dos anexos I, II e III da Orde do 27 de xullo de 2016 pola que se establecen as bases reguladoras para a concesión, en réxime de concorrencia competitiva, das axudas para a consolidación e estruturación de unidades de investigación competitivas e outras accións de fomento nas universidades do SUG, nos organismos públicos de investigación de Galicia e noutras entidades do Sistema galego de I+D+i, e se procede á súa convocatoria para o exercicio 2016, que queda redactado como segue:
No artigo 9 engádese un novo parágrafo a continuación do segundo, que queda redactado da seguinte maneira:
«Unha vez concedida a subvención, esta deberá ser aceptada pola entidade beneficiaria no prazo de 15 días hábiles contados a partir do día seguinte ao da súa publicación, coas condicións específicas que recolle esta orde e coa aceptación expresa (de ser o caso e en función de cada unha das modalidades) dos indicadores de avaliación propostos na memoria descritiva e aquelas outras que se poidan incluír na resolución. No caso contrario, entenderase que o beneficiario renuncia á subvención e procederase conforme o que determina o artigo 42.1 da Lei 30/1992, do 26 de novembro, de réxime xurídico das administracións públicas e do procedemento administrativo común.
Ademais, nas modalidades de GPC, GRC e redes das universidades do SUG, as universidades beneficiarias deberán presentar un orzamento axustado á resolución de concesión. No caso contrario, entenderase que o beneficiario renuncia á subvención e procederase conforme o que determina o artigo 42.1 da Lei 30/1992, do 26 de novembro, de réxime xurídico das administracións públicas e do procedemento administrativo común».
No artigo 10, engádese un novo parágrafo a continuación do segundo, que queda redactado da seguinte maneira:
«No ano 2016, para as entidades beneficiarias financiadas coas aplicacións 09.A3.561A.781.0 e 09.A3.561A.703.0, a data límite para presentar a xustificación será o 26 de decembro de 2016».
O parágrafo primeiro do artigo 15 queda redactado da seguinte maneira:
«As axudas imputaranse ao capítulo VII dos orzamentos da Consellería de Cultura, Educación e Ordenación Universitaria e da Axencia Galega de Innovación, coa seguinte desagregación:
Modalidade |
Entidade beneficiaria |
Aplicación orzamentaria |
Crédito (en euros) |
|||||
2016 |
2017 |
2018 |
2019 |
2020 |
Total |
|||
Mod. a) GRC |
Universidades do SUG |
10.40.561B.744.0 |
0,00 |
1.875.000,00 |
1.875.000,00 |
2.250.000,00 |
6.000.000,00 |
|
Mod. a) GRC |
Outras entidades |
09.A3.561A.781.0 |
50.000,00 |
125.000,00 |
125.000,00 |
100.000,00 |
400.000,00 |
|
09.A3.561A.703.0 |
50.000,00 |
125.000,00 |
125.000,00 |
100.000,00 |
400.000,00 |
|||
Total |
100.000,00 |
250.000,00 |
250.000,00 |
200.000,00 |
|
800.000,00 |
||
Mod. b) GPC |
Universidades do SUG |
10.40.561B.744.0 |
0,00 |
1.050.000,00 |
1.050.000,00 |
2.100.000,00 |
||
Mod. b) GPC |
Outras entidades |
09.A3.561A.781.0 |
35.000,00 |
70.000,00 |
35.000,00 |
140.000,00 |
||
09.A3.561A.703.0 |
17.500,00 |
35.000,00 |
17.500,00 |
70.000,00 |
||||
Total |
52.500,00 |
105.000,00 |
52.500,00 |
|
|
210.000,00 |
||
Mod. c) Redes |
Universidades do SUG |
10.40.561B.744.0 |
0,00 |
900.000,00 |
900.000,00 |
1.800.000,00 |
||
Mod. c) Redes |
Outras entidades |
09.A3.561A.781.0 |
30.000,00 |
60.000,00 |
30.000,00 |
120.000,00 |
||
09.A3.561A.703.0 |
30.000,00 |
60.000,00 |
30.000,00 |
120.000,00 |
||||
Total |
60.000,00 |
120.000,00 |
60.000,00 |
|
|
240.000,00 |
||
Mod. d) Proxectos |
Universidades do SUG |
10.40.561B.744.0 |
350.000,00 |
700.000,00 |
700.000,00 |
700.000,00 |
650.000,00 |
3.100.000,00 |
Mod. d) Proxectos |
Outras entidades |
09.A3.561A.781.0 |
75.000,00 |
125.000,00 |
125.000,00 |
125.000,00 |
125.000,00 |
575.000,00 |
Total universidades do SUG |
350.000,00 |
4.525.000,00 |
4.525.000,00 |
2.950.000,00 |
650.000,00 |
13.000.000,00 |
||
Total outras entidades |
09.A3.561A.781.0 |
190.000,00 |
380.000,00 |
315.000,00 |
225.000,00 |
125.000,00 |
1.235.000,00 |
|
09.A3.561A.703.0 |
97.500,00 |
220.000,00 |
172.500,00 |
100.000,00 |
590.000,00 |
|||
Total |
287.500,00 |
600.000,00 |
487.500,00 |
325.000,00 |
125.000,00 |
1.825.000,00 |
No artigo 3 dos anexos I, II e III os importes previstos para a anualidade 2016 para as universidades do SUG acumúlanse á última anualidade da modalidade correspondente.
Disposición derradeira única. Entrada en vigor
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 29 de setembro de 2016
Román Rodríguez González Conselleiro de Cultura, Educación e Ordenación Universitaria |
Francisco Conde López Presidente da Axencia Galega de Innovación |