Expediente: IN407A 2016/380-1.

Promotora: Unión Fenosa Distribución, S.A.

Denominación da instalación: recuamento LMT SMC-724 A Choupana.

Concello: Oleiros.

Feitos:

1. O 18 de abril de 2016, a promotora solicitou a autorización administrativa previa e a autorización administrativa de construción do proxecto de execución da instalación de distribución eléctrica indicada.

2. O proxecto someteuse ao trámite de información pública mediante a súa inserción no DOG do 13 de maio e no BOP do 27 de maio de 2016.

3. Solicitouse o preceptivo informe ás distintas administracións, organismos ou, de ser o caso, empresas de servizo público ou de servizos de interese xeral afectados. A promotora manifestou a súa conformidade cos condicionados establecidos.

4. Os servizos técnicos da xefatura territorial emitiron un informe favorable sobre a dita solicitude.

Consideracións legais e técnicas:

1. A Lei 24/2013, do 26 de decembro, do sector eléctrico.

2. O Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica.

3. O Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09.

4. O Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

5. O Real decreto 842/2002, do 2 de agosto, polo que se aproba o Regulamento electrotécnico para baixa tensión.

6. As características técnicas da instalación son as seguintes:

Desmantelamento LMTA SMC-724 A Choupana, a 15 kV, cunha lonxitude de 985 m, con orixe no apoio nº 13 existente que se retirará da LMT SMC-724 (expediente 30.030), no tramo entre o CT Urbanización Toxeiras (expediente 354/02) e a derivada ao CT Urbanización Monte do Sino (expediente 12/00).

Liña de media tensión subterránea (actuación nº 1), a 15 kV, cunha lonxitude de 236 m, con orixe en empalmes proxectados na LMTS SMC-724, que se realizarán a pé do apoio nº 13 que se retirará (expediente 30.030) no tramo entre o CT Urbanización Toxeiras (expediente 354/02) e a derivada ao CT Urbanización Monte do Sino (expediente 12/00), condutor tipo RHZ1-2OL 12/20 kV 1×240 mm2 Al e final en empalmes proxectados na LMTS SMC-724 (expediente 12/00) que alimenta o CT Urbanización Monte do Sino (expediente 12/00).

Liña de media tensión subterránea (actuación nº 2), a 15 kV, cunha lonxitude de 1,125 m, con orixe en cela de liña existente no CT Urbanización Monte do Sino (expediente 12/00), condutor tipo RHZ1-2OL 12/20kV 1×240 mm2 Al e final en empalmes proxectados na LMTS SMC-724 (expediente 331/04), no tramo entre o CT Vista Alegre (expediente 60/96) e o CS Urbanización As Cancelas, despois de realizar entrada e saída no CT Choupana (expediente 66/2014) e o CT Vista Alegre (expediente 60/96).

O orzamento da instalación, segundo o proxecto, é de 267.041,15 €.

7. No expediente consta un informe favorable dos servizos técnicos desta xefatura territorial.

De acordo con todo o indicado,

RESOLVO:

1. Conceder a autorización administrativa previa e a autorización administrativa de construción á instalación de distribución eléctrica indicada.

2. A instalación executarase no prazo dun ano, contado a partir do día seguinte ao da publicación da presente resolución no Diario Oficial de Galicia.

3. Para a posta en funcionamento da instalación autorizada, deberá presentar perante esta xefatura territorial unha solicitude coa cal se achegará a seguinte documentación:

• As declaracións de conformidade relativas ao material ou equipamento, e as certificacións ou homologacións, se procede.

• Un certificado do director da montaxe en que se garantirá o cumprimento das especificacións do proxecto e prescricións complementarias, se as houber, así coma das regulamentacións e normas oportunas, na montaxe da instalación e posta a punto.

4. Esta aprobación outórgase sen prexuízo doutras que sexan de aplicación segundo a lexislación vixente, en especial as relativas á ordenación do territorio e ao ambiente.

Contra esta resolución, que non é definitiva en vía administrativa, poderase interpor recurso de alzada ante o conselleiro de Economía, Emprego e Industria no prazo dun mes contado a partir do día seguinte ao da súa notificación ou publicación, nos termos establecidos nos artigos 107, 100, 114 e 115 da Lei 30/1992, do 26 de novembro, de réxime xurídico das administracións públicas e do procedemento administrativo común (modificada pola Lei 4/1999, do 13 de xaneiro), sen prexuízo de que os interesados poidan interpor calquera outro recurso que consideren pertinente.

A Coruña, 26 de setembro de 2016

Isidoro Martínez Arca
Xefe territorial da Coruña