O Pleno da corporación, na sesión ordinaria que tivo lugar o día 21 de xullo de 2016, adoptou entre outros, o seguinte acordo:

Aprobar definitivamente o estudo de detalle no ámbito da modificación puntual do Plan especial de reforma interior (PERI-5) e do Plan parcial do SUNP-6 San Lázaro, sen modificacións respecto do aprobado inicialmente o 20 de febreiro de 2012.

O presente acordo publicarase no Diario Oficial de Galicia.

Unha vez que se inscriba o estudo de detalle no Rexistro de Planeamento Urbanístico de Galicia, procederase á publicación da súa normativa (número 3 do documento) no Boletín Oficial da provincia.

Contra o acordo da aprobación definitiva do citado estudo de detalle poderase interpoñer directamente recurso contencioso-administrativo ante o Tribunal Superior de Xustiza de Galicia, no prazo de dous meses, contados a partir do día seguinte ao da publicación deste anuncio.

Santiago de Compostela, 8 de setembro de 2016

O alcalde
P.D. (Decreto 3997/2015, do 16 de xuño)
Jorge Duarte Vázquez
Concelleiro delegado de Espazos Cidadáns, Dereito á Vivenda e Mobilidade