O Pleno do Concello, na sesión ordinaria do 29 de setembro de 2016, acordou aprobar definitivamente o estudo de detalle para edificio comercial destinado a supermercado de alimentación e aparcadoiro, na antiga estrada de Santiago á Estrada, km 3, lugar de Estivada (Cacheiras), promovido por Mercadona, S.A. e redactado polo arquitecto Ramón Amadeo Facal Grobas (rex. entrada nº 2087, do 18.3.2016), e queda extinguida, de conformidade co artigo 47.2 da Lei 2/2016, do 10 de febreiro, do solo de Galicia (LSG), a suspensión do outorgamento de licenzas no ámbito obxecto do estudo de detalle.

O que se fai público en cumprimento do disposto no artigo 82 da LSG, facendo constar que o contido íntegro do plan se atopa á disposición do público en www.teo.gal.

Contra o devandito acordo, que pon fin á vía administrativa, poderase interpor recurso contencioso-administrativo ante o Tribunal Superior de Xustiza de Galicia, no prazo de dous meses contado desde o día seguinte ao da publicación deste anuncio no Diario Oficial de Galicia, de conformidade co previsto nos artigos 107 da Lei 30/1992, do 26 de novembro, en relación cos artigos 8, 9 e 46 da Lei 29/1998, do 13 de xullo, sen prexuízo da interposición de calquera outro recurso que se considere pertinente.

Teo, 30 de setembro de 2016

Rafael C. Sisto Edreira
Alcalde