Eu, María Teresa Vázquez Abades, letrada da Administración de xustiza do Xulgado do Social número 1 de Santiago de Compostela, fago saber que no procedemento de execución de títulos xudiciais 111/2016 deste xulgado do social, seguido por instancia de Rosa Nogueiras Vaamonde contra José Antonio Iglesias Garaboa y Otra, C.B. (Peluquería Diseño) Fogasa, sobre despedimento, se ditou a seguinte resolución:
«Decreto.
Letrada da Administración de xustiza: María Teresa Vázquez Abades.
En Santiago de Compostela, vinte e un de xullo de dous mil dezaseis.
Antecedentes de feito:
Primeiro. Por parte de Rosa Nogueiras Vaamonde presentou solicitude de execución da Sentenza 97/2016 con data do 4.5.2016 ditada no procedemento DSP 208/2016, fronte a José Antonio Iglesias Garaboa y Otra, C.B. (Peluquería Diseño), Fogasa e, atendendo á devandita solicitude, con data do 22.6.2016, este órgano xudicial ditou auto despachando orde xeral de execución pola cantidade de 21.525,28 euros en concepto de principal (16.527,42 euros en concepto de indemnización, 4.890,67 euros en concepto de salarios e 107,19 euros en concepto de xuros do artigo 29.3 sobre os salarios), máis outros 2.152,52 euros que se fixan provisionalmente en concepto de xuros que se, se é o caso, poidan percibir durante a execución e as custas desta, sen prexuízo da súa posterior liquidación.
Segundo. Consta nas actuacións a declaración previa de insolvencia da parte aquí executado José Antonio Iglesias Garaboa e Otra, C.B. (Peluquería Deseño), realizada por Decreto do 10.4.2015, ditado por este órgano xudicial no procedemento ETX 13/2015.
Terceiro. Para cumprir o requisito que se contén no artigo 276.3 da LXS, ditouse con data do 22.6.2016 decreto dando audiencia previa á parte demandante e ao Fondo de Garantía Salarial para que sinalasen, se é o caso, a existencia de novos bens co resultado que consta en autos.
Fundamentos de dereito:
Primeiro. Dispón o artigo 276.3 da LXS que declarada xudicialmente a insolvencia dunha empresa, iso será base abondo para estimar a súa pervivencia noutras execucións, podendo ditarse o decreto de insolvencia sen necesidade de reiterar as indagacións de bens do artigo 250 desta lei, debendo darse audiencia previa á parte demandante e ao Fondo de Garantía Salarial para que sinalen a existencia de novos bens.
Segundo. Na presente executoria, cumpríronse os requisitos e trámites de indagación de bens establecidos nos artigos 250 e 276 da LXS, que supón concluír respecto da executada a pervivencia da situación de insolvencia ao non se coñecer novos bens daquela sobre os que facer efectivas as actividades de execución, polo que procede, cumprindo o efecto previsto no artigo 276.2 da LXS declarar a insolvencia total, que haberá de entenderse provisional para todos os efectos, ata que se coñezan novos bens ao executado.
Vistos os preceptos legais citados e demais de xeral e pertinente aplicación,
Parte dispositiva.
Acordo:
a) Declarar o executado José Antonio Iglesias Garaboa y Otra, C.B. (Peluquería Diseño) en situación de insolvencia total por importe de 21.525,28 euros en concepto de principal (16.527,42 euros en concepto de indemnización, 4.890,67 euros en concepto de salarios e 107,19 euros en concepto de xuros do artigo 29.3 sobre os salarios), máis outros 2.152,52 euros que se fixan provisionalmente en concepto de xuros que, se é o caso, se poidan percibir durante a execución e as custas desta, sen prexuízo da súa posterior liquidación, insolvencia que se entenderá para todos os efectos como provisional.
b) Arquivar as actuacións logo de anotación no libro correspondente, sen prexuízo de reaperturar a execución, se a partir deste momento se coñecen novos bens do executado.
c) Unha vez asine a presente resolución, procédase á súa inscrición no rexistro correspondente.
Notifíqueselles ás partes, facéndolles saber que en aplicación do mandato contido no artigo 53.2 da LXS, no primeiro escrito ou comparecencia ante o órgano xudicial, as partes ou interesados e, se é o caso, os profesionais designados, sinalarán un domicilio e datos completos para a práctica de actos de comunicación. O domicilio e os datos de localización facilitados con tal fin producirán plenos efectos e as notificacións neles intentadas sen efecto serán válidas ata tanto non sexan facilitados outros datos alternativos, sendo carga procesual das partes e dos seus representantes mantelos actualizados. Así mesmo, deberán comunicar os cambios relativos ao seu número de teléfono, fax, enderezo electrónico ou similares, sempre que estes últimos estean a ser utilizados como instrumentos de comunicación co tribunal.
Modo de impugnación. Contra a presente resolución cabe recurso directo de revisión que se deberá interpoñer ante quen dita a resolución no prazo de tres días hábiles seguintes ao da notificación desta con expresión da infracción cometida nesta a xuízo do recorrente, artigo 188 LXS. O recorrente que non teña a condición de traballador ou beneficiario de réxime público da Seguridade Social deberá facer un depósito para recorrer de 25 euros, na conta nº 0049 3569 9200 0500 1274 no Banco Santander, S.A. debendo indicar no campo concepto, “recurso” seguida do código “31 Social-Revisión de resolucións letrado da Administración de xustiza”. Se o ingreso se fai mediante transferencia bancaria deberá incluír tras a conta referida, separados por un espazo coa indicación “recurso” seguida do “31 Social-Revisión de resolucións letrado da Administración de xustiza”. Se efectuase diversos pagamentos na mesma conta deberá especificar un ingreso por cada concepto, mesmo se obedecen a outros recursos da mesma ou distinta clase indicando no campo de observacións a data da resolución recorrida utilizando o formato dd/mm/aaaa. Quedan exentos do seu aboamento en todo caso, o Ministerio Fiscal, o Estado, as comunidades autónomas, as entidades locais e os organismos autónomos dependentes deles.
O/a letrado/a da Administración de xustiza».
E para que sirva para os efectos de publicidade a declaración de insolvencia de José Antonio Iglesias Garaboa y Otra, C.B. (Peluquería Diseño), expido o presente para a súa inserción no Diario Oficial de Galicia.
Santiago de Compostela, 22 de setembro de 2016
O/a letrado/a da Administración de xustiza
