De conformidade co disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, logo de ser intentada sen éxito a notificación persoal a través do servizo de Correos, emprázanse as entidades interesadas que se sinalan no anexo deste anuncio para seren notificadas por comparecencia.
A eficacia do acto queda supeditada á súa publicación no taboleiro de edictos único do Boletín Oficial del Estado, polo que o prazo para comparecer se computará desde esa publicación.
A persoa interesada poderá comparecer, no prazo de dez días hábiles, nas oficinas da Dirección Xeral de Ordenación e Produción Forestal-Servizo de Xestión Forestal-, situadas na rúa San Lázaro, s/n, 1º andar, Santiago de Compostela, das 9.00 ás 14.00 horas, de luns a venres, para o coñecemento íntegro das mencionadas resolucións do expediente de desistencia e indemnizatorio do procedemento de adxudicación da obra 32M26/15 e constancia de tal coñecemento.
Transcorrido o dito prazo sen efectuarse a comparecencia, a notificación entenderase producida desde o día seguinte ao da súa publicación no taboleiro de edictos único do Boletín Oficial del Estado.
Santiago de Compostela, 27 de setembro de 2016
Tomás Fernández-Couto Juanas
Director xeral de Ordenación e Produción Forestal
ANEXO
Expediente: procedemento de adxudicación da obra 32M26/15.
Interesada: Construcciones Boalva, S.L.
Acto de notificación: resolución de expedientes de desistencia e indemnizatorio.
Último enderezo coñecido: rúa do Sol, 10 A, Ourense.
Expediente: procedemento de adxudicación da obra 32M26/15.
Interesada: Trafober, S.L.
Acto de notificación: resolución de expedientes de desistencia e indemnizatorio.
Último enderezo coñecido: r/ Riego de Ambros, 26, 2º esda., Ponferrada, León.
