Nuria Ramudo Rodríguez, letrada da Administración de xustiza do Xulgado de Primeira Instancia e Instrución número 1 de Ortigueira, polo presente, anuncio:

No presente procedemento, seguido por instancia de Gerardo Servando Painceira López fronte a herdeiros descoñecidos e incertos de Pedro López Salgueiro, ditouse sentenza, cuxo teor literal é o seguinte:

Sentenza.

En Ortigueira o oito de xullo de dous mil dezaseis.

Vistos por min, Diana Vales Laguna, xuíza titular do Xulgado de Primeira Instancia e Instrución Único de Ortigueira, os presentes autos de xuízo verbal, rexistrados co número 412/2014, nos cales interviñeron, como demandante, Gerardo Servando Painceira López, asistido do letrado Salvador Fernández Franco e representado pola procuradora Yolanda Borrás Vigo, e como demandados os herdeiros descoñecidos e incertos de Pedro López Salgueiro, declarados en rebeldía procesual, tendo por obxecto...

Resolución.

Estimo totalmente a demanda e debo declarar e declaro que Gerardo Servando Painceira López é propietario da terceira parte indivisa do terreo descrito no feito primeiro da demanda, con referencia catastral 15062A50100651000RK, e que coincide exactamente co terreo catastral número 14330 do concello de Ortigueira, por adquirila por compra a Pedro López Salgueiro en documento privado do 23 de setembro de 1968. Con imposición de custas aos demandados...

E encontrándose o devandito demandado, herdeiros descoñecidos e incertos de Pedro López Salgueiro, en paradoiro descoñecido, expídese o presente co fin de que sirva de notificación en forma a este.

Ortigueira, 12 de xullo de 2016

A letrada da Administración de xustiza