1. Entidade adxudicadora.
Instituto Galego da Vivenda e Solo (IGVS).
2. Obxecto do contrato.
a) Descrición do obxecto: contrato de servizo para a vixilancia e seguridade das dependencias do IGVS en Pontevedra. Expediente: IGVS04-16.
b) Prazo de execución: 12 meses.
3. Tramitación, procedemento e forma de adxudicación.
a) Tramitación: ordinaria.
b) Procedemento: aberto, documentalmente simplificado.
c) Forma: multicriterio.
4. Orzamento base de licitación.
a) Importe neto: trinta mil trescentos catorce euros con quince céntimos (30.314,15 €).
b) IVE (21 %): seis mil trescentos sesenta e cinco euros con noventa e sete céntimos (6.365,97 €).
c) Importe total: trinta e seis mil seiscentos oitenta euros con doce céntimos (36.680,12 €).
5. Garantías.
a) Provisional: non se exixe.
b) Definitiva: 5 % do importe de adxudicación (IVE excluído).
6. Requisitos específicos do contratista.
Non se exixe clasificación. A proba da solvencia económica e financeira e a técnica ou profesional efectuarase polos medios precisados no prego de cláusulas administrativas particulares (PCAP).
Non obstante o anterior, de posuír o licitador a clasificación axeitada ao obxecto do contrato (grupo M, subgrupo 2, categoría A), a xustificación documental de tal aspecto eximirá da presentación dos documentos exixidos no prego.
7. Obtención de documentación.
O PCAP e o prego de prescricións técnicas polos que se rexe a contratación poderán obterse durante o prazo de presentación de proposicións no Servizo de Contratación na sede central do IGVS (polígono das Fontiñas. Área Central, s/n, Santiago de Compostela), e consultarse na páxina da internet: http://www.contratosdegalicia.es/resultado.jsp?N=65209 e tamén no perfil do contratante: http://igvs.xunta.es/web/igvs/350
8. Presentación das ofertas.
As proposicións, que se axustarán ao modelo que se inclúe no correspondente PCAP, presentaranse no rexistro da sede dos Servizos Centrais do IGVS antes das 14.00 horas do décimo quinto (15) día natural a partir do seguinte ao da publicación desta resolución no Diario Oficial de Galicia. De coincidir o dito día en sábado ou festivo o prazo para a presentación de propostas rematará o primeiro día hábil seguinte.
Cando a proposición se envíe por correo o licitador deberá xustificar a data de imposición do envío na oficina de Correos e anunciarlle ao órgano de contratación a remisión da dita oferta mediante telegrama ou fax (981 54 16 00) no mesmo día.
9. Posibilidade de variantes.
Non se admiten.
10. Apertura das ofertas.
O acto público de apertura do sobre B (documentación acreditativa dos criterios non avaliables mediante fórmulas e que dependan dun xuízo de valor) terá lugar na sede dos servizos centrais do IGVS, no lugar e data que serán anunciados no perfil do contratante, nun prazo non superior a 7 días contados desde a apertura da documentación administrativa.
O acto público de apertura do sobre C (documentación acreditativa dos criterios avaliables mediante fórmulas) terá lugar na sede dos servizos centrais do IGVS, no lugar e data que serán anunciados, con tres días hábiles de antelación á súa realización, no perfil do contratante.
11. Gasto do anuncio.
O importe do anuncio será por conta do adxudicatario.
Santiago de Compostela, 16 de setembro de 2016
A presidenta do Instituto Galego da Vivenda e Solo
P.D. (Resolución do 23.6.2010)
Heriberto García Porto
Director xeral do Instituto Galego da Vivenda e Solo
