O artigo 15 da Lei 1/2016, do 18 de xaneiro, de transparencia e bo goberno (Diario Oficial de Galicia núm. 30, do 15 de febreiro), impón a cada consellería ou entidade da Xunta de Galicia a obriga de remitir para a súa publicación no Diario Oficial de Galicia unha relación dos convenios subscritos referida ao cuadrimestre anterior.
En consecuencia, e para dar cumprimento a esta obriga,
DISPOÑO:
Artigo único
Darlle publicidade á relación dos convenios subscritos polo Instituto de Estudos do Territorio no segundo cuadrimestre do ano 2016 que se incorpora como anexo a esta resolución.
Santiago de Compostela, 9 de setembro de 2016
Inés Santé Riveira
Directora do Instituto de Estudos do Territorio
ANEXO
Convenio |
Obxecto do convenio |
Achega económica do IET |
Data da sinatura |
Convenio de colaboración entre a Consellería de Cultura, Educación e Ordenación Universitaria; a Consellería de Medio Ambiente e Ordenación do Territorio e a Axencia para a Modernización Tecnolóxica de Galicia para a colaboración na realización de traballos relacionados coa normalización, xeolocalización e difusión da toponimia galega. |
Fixar as bases de colaboración e cooperación técnica entre a Consellería de Cultura, Educación e Ordenación Universitaria, a través da Secretaría Xeral de Política Lingüística; a Consellería de Medio Ambiente e Ordenación do Territorio, a través do Instituto de Estudos do Territorio (IET), e a Axencia para a Modernización Tecnolóxica de Galicia (Amtega), consistente na participación conxunta e efectiva no desenvolvemento das actividades en común para a colaboración na realización de traballos relacionados coa normalización, xeolocalización e difusión da toponimia galega. |
28.936,85 € |
13.5.2016 |
Convenio de colaboración entre o Instituto de Estudos do Territorio, da Consellería de Medio Ambiente e Ordenación do Territorio, e o Colexio Oficial de Arquitectos de Galicia, relativo á convocatoria dun concurso para o desenvolvemento dunha guía de cor e materiais nas doce grandes áreas paisaxísticas do Catálogo das paisaxes de Galicia. |
Establecer as condicións de colaboración entre a Consellería de Medio Ambiente e Ordenación do Territorio, a través do Instituto de Estudos do Territorio, e o Colexio Oficial de Arquitectos de Galicia, para os efectos de elaborar a guía de cor e materiais nas doce grandes áreas paisaxísticas definidas no Catálogo das paisaxes de Galicia. A finalidade da guía é a redacción duns criterios e directrices técnicas, científicas e obxectivas para a regulación do emprego da cor e dos materiais de revestimentos arquitectónicos nas paisaxes urbanas e rururbanas das doce grandes áreas paisaxísticas de Galicia. |
163.350 € |
21.6.2016 |