De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, logo de intentada a notificación e ao ser devolta dúas veces polo servizo de Correos, emprázase a interesada que se sinala no anexo para ser notificada por comparecencia.
O acto foi adoptado polo secretario xeral para o Deporte.
A comparecencia deberase efectuar no prazo de dez (10) días hábiles, contados desde o seguinte ao da publicación deste anuncio, na sede desta Secretaría Xeral para o Deporte, sita na rúa Madrid nº 2-4, As Fontiñas, 15781 Santiago de Compostela, das 9.00 ás 14.00 horas, de luns a venres.
Transcorrido o dito prazo sen efectuarse a comparecencia, a notificación entenderase producida desde o día seguinte.
Santiago de Compostela, 15 de setembro de 2016
José Ramón Lete Lasa
Secretario xeral para o Deporte
ANEXO
Expediente: Resolución do 12 de abril de 2016, da Secretaría Xeral para o Deporte, pola que se fan públicas as listaxes definitivas de subvencións a entidades deportivas convocadas pola Resolución do 5 de novembro de 2015, pola que se convocan subvencións, en réxime de concorrencia non competitiva, a clubs deportivos, sociedades anónimas deportivas e agrupacións deportivas escolares de Galicia, para o desenvolvemento de actividades deportivas.
Interesada: Club Sala Ourense 2014 (G32442196).
Acto notificado: requirimento para a presentación da documentación xustificativa da subvención concedida, de conformidade co artigo 45 do Decreto 11/2009, de 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia.