Eu, María Teresa Vázquez Abades, letrada da Administración de xustiza do Xulgado do Social número 1 de Santiago de Compostela, fago sabe que por resolución ditada no día da data, no proceso seguido por instancia de Juan Carlos Regueira Rey contra Laborman Trabajo Temporal E.T.T., S.A., Televisión de Galicia, S.A. e People Trabajo Temporal E.T.T., S.A., rexistrado como procedemento ordinario 780/2013 acordouse, en cumprimento do que dispón o artigo 59 da Lei reguladora da xurisdición social, citar a Laborman Trabajo Temporal E.T.T., S.A. e People Traballo Temporal E.T.T., S.A., en ignorado paradoiro, co fin de que comparezan o día 4 de outubro de 2016 ás 10.30 horas, na planta baixa, sala 1, edificio na rúa Berlín, para a celebración dos actos de conciliación e, de ser o caso, xuízo. Poderán comparecer persoalmente ou mediante persoa legalmente apoderada, e deberán acudir con todos os medios de proba de que tenten valerse, coa advertencia de que é única convocatoria e que os ditos actos non se suspenderán por falta inxustificada de asistencia.

Advírteselles ás destinatarias que as seguintes comunicacións faranse fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.

No caso de que pretendan comparecer ao acto do xuízo asistidas de avogado ou representadas tecnicamente por graduado social colexiado, ou representadas por procurador, porán esta circunstancia en coñecemento do xulgado ou tribunal por escrito, dentro dos dous días seguintes ao da súa citación para o xuízo, con obxecto de que, trasladada tal intención ao demandante, poida este estar representado tecnicamente por graduado social colexiado ou representado por procurador, designar avogado noutro prazo igual ou solicitar a súa designación a través da quenda de oficio. A falta de cumprimento destes requisitos supón a renuncia da parte ao dereito de valerse no acto de xuízo de avogado, procurador ou graduado social colexiado.

Para que sirva de citación a Laborman Trabajo Temporal E.T.T., S.A. e People Trabajo Temporal E.T.T., S.A., expídese a presente cédula para a súa publicación no Diario Oficial de Galicia e colocación no taboleiro de anuncios desta oficina xudicial.

Santiago de Compostela, 22 de setembro de 2016

A letrada da Administración de xustiza