O nomeamento dos notarios que teñan que exercer no territorio de Galicia é competencia desta comunidade autónoma, segundo o disposto no artigo 26.1 do Estatuto de autonomía de Galicia, aprobado pola Lei orgánica 1/1981.
Visto o expediente instruído para a provisión de notarías vacantes en virtude de concurso ordinario convocado pola Resolución da Dirección Xeral dos Rexistros e do Notariado do 23 de maio de 2016 e resolto pola Resolución do 29 de xullo de 2016, e de conformidade cos artigos 23, 88 e demais concordantes do Regulamento notarial, co Decreto da Xunta de Galicia 72/2013, do 25 de abril, polo que se establece a estrutura orgánica da Vicepresidencia e Consellería de Presidencia, Administracións Públicas e Xustiza, e coas demais disposicións legais autonómicas pertinentes,
RESOLVO:
Nomear as notarias e os notarios que no anexo se relacionan para prover as notarías vacantes radicadas no ámbito da Comunidade Autónoma de Galicia.
Santiago de Compostela, 2 de setembro de 2016
Alfonso Rueda Valenzuela
Vicepresidente e conselleiro de Presidencia, Administracións Públicas e Xustiza
ANEXO
– Alma María Carbajal de la Iglesia, procedente de oposición, para a notaría de Ponteareas.
– Diego Rosales Rodríguez, procedente de oposición, para a notaría de Monforte de Lemos.
– María del Alba Sánchez-Andrade Fernández Abello, procedente de oposición, para a notaría de Quiroga.
– Santiago Rueda Rodríguez-Vila, procedente de oposición, para a notaría de Vilanova de Arousa.
– Cristina López Rodríguez, procedente de oposición, para a notaría de Guitiriz.
– Lucía Cagigas Courel, procedente de oposición, para a notaría de Meira.