Para os efectos previstos na Lei 24/2013, do 26 de decembro, do sector eléctrico, no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na disposición adicional 5ª do Real decreto 900/2015, do 9 de outubro, polo que se regulan as condicións administrativas, técnicas e económicas das modalidades de subministración de enerxía eléctrica con autoconsumo e de produción con autoconsumo, sométese a información pública a petición de autorización da instalación eléctrica que se describe:

Solicitante: Orensana de Envases, S.L.

Domicilio social: estrada N-525, km 265, Loeda-Piñor de Cea.

Denominación: instalación solar fotovoltaica Orensana de envases, de autoconsumo de 329 kWp.

Situación: sobre cuberta da nave de Orensana de Envases, en Loeda-Piñor de Cea.

Características técnicas:

Superficie de 6.000 m2 ocupada con 204 módulos de 245 Wp, máis 930 módulos de 300 Wp por unidade, constituídos por células fotovoltaicas de silicio policristalino de alta eficiencia, modelos: ZT 220p-250P poly (fase 50 kW) y Waaree WS-300 (fase 250 kW), con 5 inversores Kaco 60.0 TL3 50 kW e 2 máis Fronius ECO 25.0-3-S 25 kW. A conexión da instalación fotovoltaica realízase no cadro xeral da rede interior do inmoble.

Orzamento: 334.566 euros.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, Curros Enríquez,1-4º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.

Ourense, 4 de xullo de 2016

Alfonso Tomás Paz Doniz
Xefe territorial de Ourense