Para os efectos previstos no Real decreto 815/2013, do 18 de outubro, polo que se aproba o Regulamento de emisións industriais e de desenvolvemento da Lei 16/2002, do 1 de xullo, de prevención e control integrados da contaminación (BOE núm. 251, do 19 de outubro), e na Lei 21/2013, do 9 de decembro, de avaliación ambiental (BOE núm. 296, do 11 de decembro), faise público que por espazo de trinta (30) días hábiles, contados a partir do seguinte ao da publicación deste anuncio no Diario Oficial de Galicia, quedarán expostos os documentos titulados:
– Proxecto básico e estudo de impacto ambiental referido á modificación substancial da autorización ambiental integrada das instalacións de Televés situadas en Santiago de Compostela, provincia da Coruña. Xuño de 2016.
– Resumo non técnico referido á modificación substancial da autorización ambiental integrada das instalacións de Televés situadas en Santiago de Compostela, provincia da Coruña. Xuño de 2016.
Para que calquera interesado poida consultalos e, se é o caso, formular no dito prazo as alegacións, suxestións ou observacións que xulgue convenientes. Os documentos estarán á disposición dos administrados, en horario de atención ao público, nas seguintes dependencias:
– Secretaría Xeral de Calidade e Avaliación Ambiental, Servizo de Prevención e Control Integrados da Contaminación (rúa de San Lázaro, s/n, 15781 Santiago de Compostela).
Ademais, poderán consultalo na páxina web da Consellería de Medio Ambiente e Ordenación do Territorio (http://www.cmati.xunta.es/>>medio ambiente e sostibilidade>>prevención e control de actividades>>autorización ambiental integrada>>proxectos en información pública).
Santiago de Compostela, 27 de xullo de 2016
Justo de Benito Basanta
Secretario xeral de Calidade e Avaliación Ambiental
ANEXO
Memoria resumo
Expediente: 2015-IPPC-M-83
Peticionario: Televés, S.A.
Domicilio social e localización da instalación: rúa Benéfica de Conxo, nº 17, 15706 Santiago de Compostela (A Coruña).
Descrición da modificación.
A modificación prevista consiste basicamente no seguinte:
– Incorporación de novas liñas de tratamento de superficies metálicas:
1º. Tratamento de cinc en tambor.
2º. Aliaxe de cinc, cobre e estaño.
3º. Pasivado de antenas.
– Instalación dunha estación depuradora de augas residuais industriais para o tratamento dos distintos efluentes producidos nas instalacións de tratamento de superficies da planta (enxaugaduras pasivado, ácidos, alcalinos e cianurados) e enxaugaduras amoniacais procedentes de Gallega de Circuitos Electrónicos, S.A.
