En cumprimento do establecido no artigo 97 da Lei 7/1985, do 2 de abril, de bases de réximen local, no artigo 6.1 do Real decreto 896/1991, do 7 de xuño, e no Decreto 243/2008, do 16 de outubro, polo que se desenvolve a Lei 4/2007, do 20 de abril, de coordinación de policías locais, faise público que por acordo da Xunta de Goberno Local do 2 de xuño de 2016 se convocou o procedemento de selección extraordinario de integración no corpo da Policía Local de Padrón das e dos vixilantes, auxiliares ou interinos que presten servizos neste corpo, en execución do previsto na disposición adicional segunda da Lei 4/2007, do 20 de abril, de coordinación de policías locais de Galicia, coas seguintes características:

a) Número de prazas: unha (1).

b) Escala: Administración especial.

c) Subescala: servizos especiais.

d) Grupo: C1.

e) Clase: policía local.

i. Escala: básica.

ii. Categoría: policía.

f) Sistema de acceso: concurso-oposición.

g) Publicación das bases que rexen o procedemento: Boletín Oficial da provincia da Coruña número 116, do 20 de xuño de 2016.

h) Prazo de presentación de instancias: vinte (20) días naturais, contados desde a publicación deste anuncio no Boletín Oficial del Estado.

Contra este acordo que pon fin á vía administrativa poderase interpoñer, potestativamente, recurso de reposición ante o alcalde do Concello de Padrón, no prazo dun mes contado desde o día de publicación do presente anuncio no Boletín Oficial da provincia da Coruña, ou ben, directamente, recurso contencioso-administrativo ante o xulgado do contencioso-administrativo no prazo de dous meses contados desde a mesma data, sen prexuízo de que se poida interpoñer calquera outro recurso que se considere pertinente.

Padrón, 23 de xuño de 2016

Antonio Fernández Angueira
Alcalde