Conforme o disposto no artigo 70 do Real decreto lexislativo 5/2015, do 30 de outubro, polo que se aproba o texto refundido da Lei do Estatuto básico do empregado público; no artigo 20.2.J) da Lei 48/2015, do 29 de outubro, de orzamentos xerais do Estado para o ano 2016; no artigo 36 da Lei 12/2015, do 24 de decembro, de orzamentos xerais da Comunidade Autónoma de Galicia para o ano 2016, así como nos estatutos da Universidade de Santiago de Compostela (USC), e logo do informe favorable do Consello Social da USC do 7 de xullo de 2016 e da aprobación polo Consello de Goberno da Universidade de Santiago de Compostela do 5 de xullo de 2016 de creación de 4 prazas de catedrático de universidade, unha vez obtida a autorización da Consellería de Facenda da Xunta de Galicia, con data do 19 de xullo de 2016, tal e como se determina nos artigos 13 e 36 da Lei 12/2015,

RESOLVO:

Primeiro. Publicar a oferta de emprego público (OPE) de promoción interna do persoal docente e investigador da Universidade de Santiago de Compostela para o ano 2016, que consiste en 4 prazas do corpo de catedrático de universidade.

Segundo. A Universidade de Santiago de Compostela oferta estas prazas de catedrático/a de universidade á promoción interna ao abeiro do disposto no artigo 62.2 da Lei orgánica 6/2001, do 21 de decembro, de universidades, e están dotadas no estado de gastos do seu orzamento.

Terceiro. As convocatorias dos concursos derivados desta oferta publicaranse no Diario Oficial de Galicia, e no Boletín Oficial del Estado, para garantir a publicidade e executaranse dentro do prazo máximo previsto no artigo 70 do Estatuto básico do empregado público.

Cuarto. Coa finalidade de dar unha maior difusión ás convocatorias de concursos relacionados con esta oferta de emprego, así como dos actos que deriven deles, na páxina web do Servizo de Planificación de PDI da USC (enderezo web http://www.usc.es/gl/servizos/profesorado), na sección de Convocatorias de prazas, poderase consultar a documentación correspondente.

Santiago de Compostela, 29 de xullo de 2016

Juan M. Viaño Rey
Reitor da Universidade de Santiago de Compostela

ANEXO
Oferta pública de emprego de promoción interna para o persoal docente e investigador da Universidade de Santiago de Compostela do ano 2016

Categoría	Nº de prazas	Sistema de acceso
Catedrático de universidade	4	Promoción interna