Eu, María Isabel Freire Corzo, letrada da Administración de xustiza da Sección primeira da Sala Segunda do Social do Tribunal Superior de Xustiza de Galicia, fago saber que no procedemento recurso suplicación 3418/2015 desta Sección, seguido por instancia de José Manuel García Rey contra Instituto Nacional da Seguridade Social, Tesouraría Xeral da Seguridade Social, Marco Obras y Proyectos de Arosa, S.L., Mutua Universal Mugenat, sobre accidente de grao, se ditou a seguinte resolución:

«Resolvemos:

Que desestimando o recurso de suplicación interposto polo letrado Celestino Barros Pena, en nome e representación de José Manuel García Rey, contra a sentenza do 14 de maio de 2015, ditada polo Xulgado do Social nº 3 de Pontevedra, en autos 449/2014, seguidos por instancia da parte recorrente fronte ao Instituto Nacional da Seguridade Social, Tesouraría Xeral da Seguridade Social, Mutua Universal Mugenat e a empresa Marco Obras Y Proyectos de Arosa, S.L., debemos confirmar e confirmamos na súa integridade a resolución impugnada.

Incorpórese o orixinal desta sentenza, pola súa orde, ao libro de sentenzas desta Sala do Social do Tribunal Superior de Xustiza de Galicia.

Modo de impugnación: fáiselles saber ás partes que contra esta sentenza cabe interpor recurso de casación para unificación de doutrina, que se debe preparar mediante escrito presentado ante esta Sala dentro do improrrogable prazo de dez días hábiles inmediatos seguintes á data da notificación da sentenza. Se o recorrente non ten a condición de traballador ou beneficiario do réxime público da Seguridade Social, deberá efectuar:

– O depósito de 600 € na conta de 16 díxitos desta Sala, aberta no Banco de Santander (Banesto) co nº 1552 0000 37, seguida de catro díxitos correspondentes ao nº do recurso e dous díxitos do ano.

– Así mesmo, se hai cantidade de condena, deberá consignala na mesma conta, pero co código 80 en vez do 37 ou ben presentar aval bancario solidario en forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo “Observacións ou Concepto da transferencia” os 16 díxitos que corresponden ao procedemento (1552 0000 80 ou 37 **** ++).

Así, por esta a nosa sentenza, pronunciámolo, mandámolo e asinámolo».

Advírtese a parte en ignorado paradoiro que, no sucesivo, se lle efectuarán as notificacións en estrados, salvo que se trate de autos, sentenzas ou emprazamentos, de acordo co prevido no artigo 59 da Lei de procedemento laboral.

E para que así conste, para os efectos da súa publicación no Diario Oficial de Galicia, co fin de que sirva de notificación en forma a Marco Obras y Proyectos de Arosa, S.L., coa advertencia de que as seguintes comunicacións se farán en estrados, salvo as que sexan autos ou sentenzas ou cando se trate de emprazamento, expido e asino o presente edicto.

A Coruña, 29 de xuño de 2016.

A letrada da Administración de xustiza