Expediente: IN407A 2016/029-1.

Promotora: UDESA.

Denominación da instalación: LMT aerosubterránea SC 20 kV Mata-Xanceda-Beledo.

Concello: Mesía.

Feitos.

1. O 5 de febreiro de 2016 o promotor solicitou a autorización administrativa previa e a autorización administrativa de construción do proxecto de execución da instalación de distribución eléctrica indicada.

2. O proxecto someteuse ao trámite de información pública mediante a súa inserción no DOG nº 86, do 6 de maio de 2016 e no BOP nº 76, do 22 de abril.

3. Solicitouse o preceptivo informe ás distintas administracións, organismos ou, se é o caso, empresas de servizo público ou de servizos de interese xeral afectados. O promotor manifestou a súa conformidade cos condicionados establecidos.

4. Os servizos técnicos da xefatura territorial emitiron un informe favorable sobre a dita solicitude.

Consideracións legais e técnicas.

1. A Lei 24/2013, do 26 de decembro, do sector eléctrico.

2. O Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica.

3. O Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09.

4. O Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

5. O Real decreto 842/2002, do 2 de agosto, polo que se aproba o regulamento electrotécnico para baixa tensión.

6. As características técnicas da instalación son as seguintes:

– A liña proxectada consiste en tres tramos diferenciados, dous aéreos e un subterráneo:

Tramo 1: tramo aéreo en condutor cuberto CCX117 AL3 20 kV, sobre apoios de formigón e celosía de 1.354 metros que discorre polos lugares de Mata, O Pasadoiro, A Carballa, As Pereiras e A Igrexa.

Tramo 2: tramo subterráneo en condutor RHZ1 -20L3×1×240 Al mm2, de 160 metros de lonxitude con orixe nos empalmes que se realizarán na actual liña subterránea (expediente IN407A 2006/484-LMTS e CT Igrexa-Xanceda) á altura do apoio existente nº 77 e final no apoio nº 78 onde se executará unha transición aero-soterrada.

Tramo 3: tramo aéreo en condutor cuberto CCX117 AL3 20 kV, sobre apoios de formigón e celosía de 680,13 metros que dicorre polos lugares do Picho, Carreira e Beledo.

O orzamento da instalación segundo proxecto é de 89.621,6 €.

7. No expediente consta un informe favorable dos servizos técnicos desta xefatura territorial.

De acordo con todo o indicado,

RESOLVO:

1. Conceder a autorización administrativa previa e a autorización administrativa de construción á instalación de distribución eléctrica indicada.

2. A instalación executarase no prazo dun ano, contado a partir do día seguinte ao da publicación da presente resolución no Diario Oficial de Galicia.

3. Para a posta en funcionamento da instalación autorizada, deberá presentar perante esta xefatura territorial unha solicitude que se acompañará da seguinte documentación:

• As declaracións de conformidade relativas ao material ou equipo, e as certificacións ou homologacións, se procede.

• Un certificado do director da montaxe no que se garantirá o cumprimento das especificacións do proxecto e prescricións complementarias, se as houber, así coma das regulamentacións e normas oportunas, na montaxe da instalación e posta a punto.

4. Esta aprobación outórgase sen prexuízo doutras que fosen de aplicación segundo a lexislación vixente, en especial a relativa á ordenación do territorio e o ambiente.

Contra esta resolución, que non é definitiva en vía administrativa, poderase interpor recurso de alzada ante o conselleiro de Economía, Emprego e Industria no prazo dun mes contado a partir do día seguinte ao da súa notificación ou publicación nos termos establecidos nos artigos 107, 100, 114 e 115 da Lei 30/1992, do 26 de novembro, de réxime xurídico das administracións públicas e do procedemento administrativo común (modificada pola Lei 4/1999, do 13 de xaneiro), sen prexuízo de que os interesados poidan interpor calquera outro recurso que se considere pertinente.

A Coruña, 14 de xuño de 2016

Isidoro Martínez Arca
Xefe territorial da Coruña