Para os efectos previstos na Lei 24/2013, do 26 de decembro, do sector eléctrico, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización das instalacións eléctricas que se describen:

Solicitante: Unión Fenosa Distribución, S.A.

Domicilio social: travesía de Vigo, 204, 36207 Vigo.

Denominación: LMT, CT praza de José Figueroa.

Situación: Redondela.

Características técnicas: LMT subterránea a 15 kV con condutor RHZ de 56 metros de lonxitude, con orixe e final na LMT subterránea existente RED713, unha vez que entre e saia do CT proxectado. Centro de transformación subterráneo de 630 kVA, RT 15 kV/400-230 V, situado na praza de José Figueroa, Redondela.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, Edificio Administrativo, avenida Fernández Ladreda, 43, 5º, no prazo de vinte días. Así mesmo, durante o mencionado prazo, tamén se poderá examinar o proxecto da instalación.

Pontevedra, 17 de xuño de 2016

Ignacio Rial Santomé
Xefe territorial de Pontevedra