O pleno do Concello do Carballiño, en sesión ordinaria que tivo lugar o día 28 de maio de 2016, adoptou, entre outros, o seguinte acordo:
Primeiro. Aprobar definitivamente a modificación puntual do Plan parcial do polígono industrial da Uceira, O Carballiño, relativa a redución de parcela mínima edificable en zona comercial.
Segundo. Deixar sen efecto a suspensión de outorgamento de aprobacións, autorizacións e licenzas urbanísticas na áreas afectadas por esta tramitación, debéndose axustar no sucesivo os terreos, as instalacións, as construcións e as edificacións ao destino que resulte da súa clasificación e cualificación e ao réxime urbanístico que consecuentemente lles sexa de aplicación derivado do novo instrumento de planeamento.
Terceiro. Comunicar o acordo de aprobación definitiva da modificación puntual do Plan parcial do Polígono Industrial da Uceira, O Carballiño, á consellería competente en materia de urbanismo e ordenación do territorio, ao mesmo tempo que se lle dará traslado dunha copia autenticada de dous exemplares do instrumento aprobado definitivamente con todos os planos e documentos que integran o plan sobre os que recaese o acordo de aprobación definitiva, debidamente dilixenciados polo secretario do concello.
Cuarto. Publicar o acordo de aprobación definitiva do planeamento no prazo dun mes desde a súa aprobación, no Diario Oficial de Galicia, e o documento que conteña a normativa e as ordenanzas, no Boletín Oficial da provincia.
O acto de aprobación definitiva da modificación puntual foi comunicado á Consellería de Medio Ambiente e Ordenación do Territorio, con data do 9 de xuño de 2016, en cumprimento do disposto polo artigo 92.3 da Lei 9/2002, do 30 de decembro, de ordenación urbanística e protección do medio rural de Galicia.
Contra o acordo de aprobación definitiva, cabe interpor recurso contencioso-administrativo ante a sala do contencioso-administrativo do Tribunal Superior de Xustiza de Galicia, no prazo de dous meses contados a partir do día seguinte ao da publicación deste anuncio.
O Carballiño, 10 de xuño de 2016
Francisco José Fumega Piñeiro
Alcalde