Para os efectos previstos na Lei 24/2013, do 26 de decembro (BOE nº 310), do sector eléctrico, e no título VII do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa previa e de construción da instalación eléctrica que se describe:

Solicitante: Mercadona, S.A.

Domicilio social: Valencia 5, Tavernes Blanques.

Denominación: liña de media tensión subterránea e centro de seccionamento e anexo.

Situación: concello de Ribadeo.

Características técnicas:

1. Liña de media tensión subterránea a 20 kV Ribadeo 1 en canalización proxectada, con orixe nun paso aéreo a subterráneo situado no apoio nº 1 proxectado, entra e sae no centro de seccionamento proxectado e remata noutro paso aéreo a subterráneo situado no apoio nº 2 proxectado, cunha lonxitude de 75 metros en condutor tipo RHZ1-12/20 kV 3 (1×240 m2).

2. Centro de seccionamento en edificio prefabricado, no cal se instalan dúas celas de liña e unha de protección con interruptor automático.

Todas aquelas persoas ou entidades que se consideren afectadas poderán examinar o proxecto e presentar as súas alegacións nesta xefatura territorial, sita na rolda da Muralla, nº 70-baixo 2, Lugo, no prazo de vinte días a partir do seguinte ao da última publicación desta resolución.

Lugo, 29 de xuño de 2016

Pilar Fernández López
Xefa territorial de Lugo