A Orde do 17 de marzo de 2014 (DOG do 26 de marzo) pola que se convoca proceso selectivo para acceso e ingreso ao corpo de profesores de ensino secundario establece na súa base décimo sexta que os aspirantes que resulten seleccionados quedan obrigados a incorporarse aos destinos que a Dirección Xeral de Centros e Recursos Humanos lles adxudique para a realización da fase de prácticas.

Pola Orde do 15 de setembro de 2015 (DOG do 2 de outubro) nomeáronse funcionarios en prácticas do corpo de profesores de ensino secundario os opositores Manuel García Magariños e María Castellano Méndez, que superaron o proceso selectivo convocado pola Orde do 17 de marzo de 2014 (DOG do 26 de marzo) e que tiñan aprazamento na citada fase de prácticas.

Finalizada a fase de prácticas e vistas as propostas efectuadas polas comisións avaliadoras, a Consellería de Cultura, Educación e Ordenación Universitaria

DISPÓN:

Único. Declarar aptos na fase de prácticas a Manuel García Magariños e María Castellano Méndez.

Santiago de Compostela, 22 de xuño de 2016

Román Rodríguez González
Conselleiro de Cultura, Educación e Ordenación Universitaria