Aprobado inicialmente o Plan xeral de ordenación municipal de Taboada, polo Pleno do día 22 de febreiro de 2016, conforme o artigo 85.2 da Lei 9/2002, do 30 de decembro, someteuse a información pública polo prazo de dous meses, contados desde o día seguinte ao da publicación do anuncio no Diario Oficial de Galicia, para formular as alegacións pertinentes.
Publicado anuncio nos xornais El Progreso e La Voz de Galicia do 31 de marzo de 2016, e no DOG núm. 61, do 31 de marzo de 2016, a partir desa data iniciouse o período de dous meses de exposición pública.
O Concello Pleno, por maioría absoluta, o 28 de maio de 2016, acordou:
Primeiro. Ampliar o prazo de exposición ao público do Plan xeral de ordenación municipal de Taboada, na súa fase de aprobación inicial, polo prazo dun mes.
Segundo. Tramitar a presente ampliación de prazo conforme o mesmo procedemento de trámite anterior, mediante publicación no Diario Oficial de Galicia e nos xornais La Voz de Galicia e El Progreso.
O prazo comezará a partir da data de publicación do anuncio no Diario Oficial de Galicia e nos xornais de La Voz de Galicia e El Progreso.
Taboada, 1 de xuño de 2016
Ramiro Moure Ansoar
Alcalde