Despois de tentar en tempo e forma a práctica das notificacións que se relacionan no anexo sen que fose posible por causas non imputables á Administración, e tendo en conta que a publicación do seu contido íntegro pode lesionar dereitos e intereses lexítimos, en aplicación do disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, por medio deste anuncio emprázanse as persoas interesadas que se sinalan no anexo, ou os seus representantes, para ser notificados por comparecencia dos acordos de inicio e propostas de resolución do procedemento de reintegro de prestacións indebidamente percibidas que se indican, ditados pola xefa territorial.
Para estes efectos, así como para coñecer o contido íntegro do acto que se notifica, os interesados, ou os seus representantes debidamente acreditados, poderán comparecer, no prazo de dez días contados desde o seguinte ao da publicación deste anuncio no Boletín Oficial del Estado, nas dependencias do Servizo de Dependencia e Autonomía Persoal da Xefatura Territorial da Consellería de Política Social, sitas na rúa Concepción Arenal, núm. 7 da Coruña, das 9.00 ás 14.00 horas, de luns a venres. Transcorrido o devandito prazo sen efectuarse a comparecencia, a notificación entenderase producida para todos os efectos legais a partir do día seguinte ao do vencemento do prazo indicado para comparecer.
De acordo co establecido no artigo 51.2 e 51.3 do Decreto 15/2010, do 4 de febreiro, polo que se regula o procedemento para o recoñecemento da situación de dependencia e do dereito ás prestacións do sistema para a autonomía e atención á dependencia, o procedemento para a elaboración do programa individual de atención e a organización e funcionamento dos órganos técnicos competentes, o interesado dispón dun prazo de quince días, contados desde o día seguinte ao da súa notificación a través da publicación deste anuncio no Boletín Oficial del Estado, para presentar as alegacións ou documentos que considere convenientes.
A Coruña, 27 de maio de 2016
Mª Pilar Caridad Alonso
Xefa territorial da Coruña
ANEXO
Número de expediente - Nome e apelidos |
CO - 24343 - Manuel Cambón Queijo, por Josefa Cristina Garel Gabeiras |
SC - 15237 - Rocío Mosquera Álvarez, por José Mosquera Rivera |
FE - 14077 - Carmen Torres López, por María Carmen López Filgueiras |
SC - 48584 - Mirta Amanda Lugaro González, por Eloísa Vázquez Míguez |