Visto o expediente para outorgamento da autorización administrativa previa e de construción da instalación eléctrica que a seguir se describe:

Solicitante: Begasa.

Domicilio social: polígono empresarial As Gándaras, rúa A, parcela U2, Lugo.

Denominación: reforma LMTA de entrada ao CTC 5426 Lago Rúa.

Situación: concello de Xove.

Características técnicas:

1. Liña de media tensión aérea con orixe nun apoio existente da liña de media tensión Espiñeirido 1 e final nun apoio proxectado na liña de media tensión Espiñeirido 1 tipo C-7000/16, en condutor LA-110.

2. Liña de media tensión subterránea con orixe no apoio proxectado C-7000/16 e final no CTC Lago Rúa, cunha lonxitude de 40 metros en condutor RHZ1-95.

Reforma do centro de transformación Lago Rúa, potencia 250 kVA.

Obra civil: consistente na construción dun foso de recollida de aceite, rotura da parede do CT para paso de tubos de MT e BT, revestimento e revocadura de paramentos e teito, etc.

Obra eléctrica: consistente na instalación dun novo cadro de BT, relocalización do concentrador, realización de novas pontes entre o CT e as celas de media tensión e entre o CT e o cadro de baixa tensión.

Unha vez cumpridos os trámites ordenados na Lei 24/2013, do 26 de decembro (BOE núm. 310) do sector eléctrico, e no título VII, capítulo II do Real decreto 1955/2000, do 1 de decembro (BOE núm. 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e consonte coa Resolución do 19 de febreiro de 2014, da Dirección Xeral de Enerxía e Minas, pola que se aproba o procedemento de autorización administrativa de construción (DOG núm. 54, do 19 de marzo), esta xefatura territorial, de acordo coas competencias que resultan dos decretos 129/2015, do 8 de outubro (DOG núm. 194, do 9 de outubro) e do 175/2015, do 3 de decembro (DOG núm. 232, do 4 de decembro), polos que se crea e establece a estrutura orgánica da consellería, e tendo en conta o Decreto 36/2001, sobre órganos competentes para autorización de instalacións eléctricas na Comunidade Autónoma de Galicia, resolve:

Conceder a autorización administrativa previa e a autorización administrativa de construción das ditas instalacións, cuxas características se axustarán en todas as súas partes ás que figuran no seu proxecto e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial e outros necesarios para a realización das obras das instalacións autorizadas.

O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.

Contra esta resolución cabe interpor recurso de alzada ante o conselleiro de Economía, Emprego e Industria no prazo dun mes, a partir do día seguinte ao da notificación ou publicación desta resolución; tamén poderá interpor calquera outro recurso que xulgue pertinente ao seu dereito.

Lugo, 3 de xuño de 2016

Pilar Fernández López
Xefa territorial de Lugo