Eu, José Andrés Salgado Fernández, secretario xudicial da Sala do Contencioso-Administrativo do Tribunal Superior de Xustiza de Galicia, por este edicto
Anuncio:
No procedemento ordinario 178/2008, seguido por instancia de María Rosa Pérez Rodríguez, foi ditada a resolución do seguinte teor literal:
«Auto: Benigno López González, Pte. Julio César Díaz Casales, José Ramón Chaves García.
A Coruña, vinte e tres de maio de dous mil dezaseis.
Feitos:
Primeiro. Nesta sala e sección primeira recibíronse as presentes actuacións de recurso contencioso-administrativo remitidas polo Xulgado do Contencioso-Administrativo número 2 de Ourense (P.A. 390/2007) en virtude de inhibición a favor deste tribunal por incompetencia obxectiva e interposto por María Rosa Pérez Rodríguez contra resolución da sociedade anónima estatal Correos y Telégrafos, sobre denegación de permiso.
Segundo. A indicada recorrente non compareceu ante este tribunal no indicado procedemento no prazo concedido para o efecto nin formulou alegación ningunha a pesar do tempo transcorrido.
Razoamentos xurídicos:
Único. Sen comparecer en tempo e forma nas presentes actuacións, a parte recorrente procede acordar o seu arquivamento, con devolución do expediente administrativo ao órgano a que corresponda.
Polo exposto,
A sala acorda:
– Arquivar o presente procedemento ordinario 178/2008 interposto por María Rosa Pérez Rodríguez.
– Firme a presente resolución, devólvase o expediente administrativo.
Así o acordan, mandan e asinan os señores anotados á marxe, perante min, o secretario, que dou fe».
E, como consecuencia do domicilio descoñecido de María Rosa Pérez Rodríguez, expídese este edicto para que sirva de cédula de notificación.
A Coruña, 1 de xuño de 2016
José Andrés Salgado Fernández
Letrado da Administración de xustiza