Mediante Resolución do 16 de decembro de 2015 que foi publicada no Diario Oficial de Galicia número 247, do 29 de decembro, establecéronse as bases reguladoras para a realización de auditorías enerxéticas, implantación de sistemas de xestión, mobilidade con combustibles alternativos e proxectos de aforro e eficiencia enerxética nas empresas dos sectores de industria e servizos para o ano 2016, cofinanciadas polo Fondo Europeo de Desenvolvemento Rexional no marco do programa operativo Feder-Galicia 2014-2020.
No transcurso do procedemento administrativo de concesión das axudas, cando xa rematou o prazo de presentación de solicitudes (29.2.2016), nalgunha das epígrafes o número de solicitantes é inferior ao esperado, mentres que noutros o volume de axuda solicitada superou a dispoñibilidade orzamentaria; por tanto, cómpre facer unha redistribución de fondos entre as distintas epígrafes e liberar o crédito orzamentario sobrante que resultaría de atender todas as solicitudes.
De acordo co disposto no artigo 31 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia (DOG núm. 20, do 29 de xaneiro), cando a contía total máxima das subvencións convocadas se distribúa entre distintos créditos orzamentarios, a alteración da dita distribución non precisará de nova convocatoria pero si das modificacións que procedan no expediente de gasto e da publicación nos mesmos medios que a convocatoria. En calquera caso, cómpre subliñar que non se trata de modificar a contía máxima fixada na convocatoria, ao non darse ningún dos supostos previstos no artigo 30.2 do referido Decreto 11/2009.
Por todo o anterior, coa finalidade de incrementar a eficacia administrativa e a eficiencia na asignación de recursos públicos, maximizando o impulso de proxectos de aforro e eficiencia enerxética e atendendo a totalidade das solicitudes en cada un dos epígrafes da convocatoria.
RESOLVO:
Primeiro. Modificar o crédito destinado ás subvencións para realización de auditorías enerxéticas, implantación de sistemas de xestión, mobilidade con combustibles alternativos e proxectos de aforro e eficiencia enerxética nas empresas dos sectores de industria e servizos para o ano 2016 cofinanciadas polo Fondo Europeo de Desenvolvemento Rexional no marco do programa operativo Feder-Galicia 2014-2020, redistribuíndoas do seguinte xeito:
Axudas a proxectos de aforro e eficiencia enerxética (IN417Y).
Liña de axuda |
Abreviatura |
Dotación orzamentaria (€) |
||
Importe inicial |
Modificación |
Importe final |
||
Auditorías enerxéticas |
AE |
300.000,00 |
-241.846,00 |
58.154,00 |
Mobilidade con combustibles alternativos |
MA |
1.000.000,00 |
-952.573,12 |
47.426,88 |
Implantación sistemas de xestión |
SX |
200.000,00 |
-190.684,00 |
9.316,00 |
Proxectos de aforro e eficiencia enerxética no sector industrial e ESE |
7.261.788,96 |
-2.839.866,51 |
4.421.922,45 |
|
Proxectos de aforro e eficiencia enerxética no sector servizos |
-39.962,32 |
766.902,72 |
||
Total |
9.568.654,00 |
-4.264.931,95 |
5.303.722,05 |
Segundo. A eficacia da presente resolución producirase coa súa publicación no Diario Oficial de Galicia.
Santiago de Compostela, 6 de xuño de 2016
Ángel Bernardo Tahoces
Director do Instituto Enerxético de Galicia