Expediente: IN407A 2016/493-1.

Solicitante: Unión Fenosa Distribución, S.A.

Denominación: aumento de potencia CT Barallobre A Ribeira.

Concello: Fene.

Características técnicas: ampliación de potencia do centro de transformación non prefabricado en caseta de obra civil (expediente 3853), cunha potencia de 400 kVA e unha relación de transformación de 15.000/400-230 V. Como melloras do centro de transformación, realizarase o foxo da devasa e a apertura e adecuación das reixas da ventilación na porta de acceso ao CT.

Lexislación de aplicación:

– Lei 24/2013, do 26 de decembro, do sector eléctrico (BOE núm. 310, do 27 de decembro).

– Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).

– Resolución do 19 de febreiro de 2014 pola que se aproba o procedemento de autorización administrativa de construción de acordo co previsto na Lei 24/2013, do 26 de decembro, do sector eléctrico (DOG núm. 54, do 19 de marzo de 2014).

Todas aquelas persoas ou entidades que se consideren afectadas poderán examinar o expediente e presentar alegacións na Xefatura Territorial de Economía e Industria, sita na rúa Vicente Ferrer, 2, 2º andar, 15071 A Coruña, no prazo de vinte días, a partir do día seguinte ao da última publicación desta resolución.

A Coruña, 18 de maio de 2016

Isidoro Martínez Arca
Xefe territorial da Coruña