O Pleno do Concello do Barco de Valdeorras, na sesión ordinaria que tivo lugar o día 5 de maio de 2016, adoptou o seguinte acordo:

«1. A aprobación definitiva do estudo de detalle na r/ Caleras, 47-49, segundo a tramitación da Lei 9/2002, do solo de Galicia.

2. Este acordo notificarase aos interesados e publicarase, no prazo dun mes desde a súa adopción, no Diario Oficial de Galicia, e o texto dos documentos que integran o estudo de detalle, así como o índice de planos no Boletín Oficial da provincia.

3. O acordo de aprobación definitiva comunicarase á consellería competente en materia de urbanismo e ordenación do territorio, á vez que se lle dará traslado de copia autenticada do expediente completo, así como de dous exemplares do estudo de detalle con todos os planos e documentos que o integran, debidamente dilixenciados polo secretario do Concello.

No anuncio de aprobación definitiva farase constar a remisión da documentación á consellería».

Déixase constancia de que con data do 2 de xuño de 2016 se remitiu á consellería competente a documentación que sinala o artigo 92 da Louga.

Contra este acordo de aprobación definitiva poderase interpoñer directamente recurso contencioso-administrativo ante o Tribunal Superior de Xustiza de Galicia no prazo de dous meses contados a partir do día seguinte ao da publicación deste anuncio.

O Barco de Valdeorras, 3 de xuño de 2016

Alfredo L. García Rodríguez
Alcalde