M. Asunción Barrio Calle, letrada da Administración de Xustiza da Sala do Social do Tribunal Superior de Xustiza de Galicia, fago saber que no procedemento recurso de suplicación 2812/2015-S desta sección, seguido por instancia de Alberto Manuel Pérez Sánchez contra Fogasa, N Barros Gestión Hotelera, S.L. sobre reclamación de cantidade, se ditou a resolución cuxa parte dispositiva é do seguinte particular:

Decidimos.

Que debemos desestimar e desestimamos o recurso de suplicación interposto polo demandante Alberto Manuel Pérez Sánchez, contra a Sentenza do 23 de febreiro de 2015, ditada polo Xulgado do Social número 5 desta capital, nos autos número 1307/2015, seguidos por instancia do referido recorrente, fronte á empresa demandada a entidade Barros Gestión Hotelera, S.L., e con intervención do Fondo de Garantía Salarial, confirmando integramente a sentenza recorrida.

Modo de impugnación: fáiselles saber ás partes que contra esta sentenza cabe interpoñer recurso de casación para unificación de doutrina que se debe preparar mediante escrito presentado ante esta sala dentro do improrrogable prazo de dez días hábiles inmediatos seguintes á data de notificación da sentenza. Se o recorrente non tivese a condición de traballador ou beneficiario do réxime público de Seguridade Social deberá efectuar:

– O depósito de 600 euros na conta de 16 díxitos desta sala, aberta no Banco de Santander (Banesto) co nº 1552 0000 35 seguida do catro díxitos correspondentes ao nº do recurso e dous díxitos do ano deste.

– Así mesmo, se hai cantidade de condena deberá consignala na mesma conta, pero co código 80 en vez do 35 ou ben presentar aval bancario solidario en forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo “Observacións ou concepto da transferencia” os 16 díxitos que corresponden ao procedemento (1552 0000 80 ou 35 **** ++).

Así, por esta nosa sentenza, pronunciámolo, mandámolo e asinámolo.

E para que sirva de notificación en legal forma a Barros Gestión Hotelera, S.L., en ignorado paradoiro, expido o presente para a súa inserción no Diario Oficial de Galicia.

Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de localización.

A Coruña, 29 de abril de 2016

A letrada da Administración de xustiza