De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, publícase o período de proba ditado no expediente de reposición da legalidade urbanística PON/320/2014-RP1, a Francisco Martínez Pérez, en relación coas obras de construción dunha edificación destinada a garaxe e dun cuberto no lugar de Canedo, no termo municipal de Ponteareas, provincia de Pontevedra.
O expediente relacionado está á disposición do interesado na Axencia de Protección da Legalidade Urbanística, sita no Edificio Witland, Salgueiriños, Santiago de Compostela, para a súa consulta no prazo de 10 días hábiles, que se contarán desde o día seguinte ao da publicación desta cédula no Boletín Oficial del Estado. Transcorrido o dito prazo a notificación entenderase producida.
De conformidade co disposto no artigo 80 da Lei 30/1992, do 26 de novembro, de réxime xurídico das administracións públicas e do procedemento administrativo común, acordouse:
1. Declarar procedente a práctica da proba documental co fin de que os interesados dentro do período probatorio poidan achegar orixinal ou copia compulsada da seguinte documentación:
– Certificado final de obra asinado polo director da execución de obra co visado oficial do colexio profesional.
– Licenza de primeira ocupación.
– Contratos de subministración de enerxía eléctrica, gas natural, abastecemento de auga, recollida de lixo e calquera outro que considere pertinente.
– Recibos de aboamento de subministración de enerxía eléctrica, gas natural, abastecemento de auga, recollida de lixo e calquera outro que considere pertinente.
– Calquera outro medio de proba válida en dereito que acredite de modo fidedigno a data da total finalización das obras.
2. Ter por incorporada a documentación achegada polos interesados consistente en factura de data do 15 de febreiro de 2006 de traballos de retirada e portes de entullos.
3. Abrir un período de proba durante o prazo de 20 días hábiles para a práctica das probas sinaladas nos puntos anteriores.
Para que conste e lle sirva de notificación do citado interesado, en cumprimento do disposto no artigo 59.5 da dita Lei 30/1992, do 26 de novembro, expido e asino esta cédula.
Santiago de Compostela, 18 de maio de 2016
José Antonio Cerdeira Pérez
Director da Axencia de Protección da Legalidade Urbanística