De conformidade co disposto nos artigos 59.5 e 61 da Lei 30/1992, do 26 de novembro (BOE núm. 285, do 27 de novembro), modificada pola Lei 15/2014, do 16 de setembro (BOE núm. 226, do 17 de setembro), de réxime xurídico das administracións públicas e do procedemento administrativo común, notifícaselle a Mª José Díaz Rodríguez, con último domicilio coñecido en Granxa, 35, PC-6º F, de Viveiro, provincia de Lugo, a resolución do presidente de Portos de Galicia do 8 de abril de 2016, que decreta a incautación, a favor de Portos de Galicia, da embarcación de nome Dos B Jays, con folio 7ª-CO-246/93, depositada no porto de Celeiro, por non ser posible a notificación a través do servizo de Correos.
Así mesmo, este anuncio se publicará no Diario Oficial de Galicia, ben que a eficacia do acto notificado quedará supeditada á súa publicación no BOE.
A resolución emítese por estar a embarcación desde o ano 2004 depositada en estado de abandono nunha parcela do porto de Celeiro, de onde foi retirada por esta entidade dado o perigo existente de afundimento, e unha vez que no BOE número 28, do 2 de febreiro de 2016 se publica o acordo de inicio de expediente sen que conste a presentación de alegacións, de acordo co establecido no artigo 20 do Decreto 130/2013, do 1 de agosto, polo que se regula a explotación dos portos deportivos e das zonas portuarias de uso náutico deportivo de competencia da Comunidade Autónoma de Galicia, na regra décimo quinta de aplicación á tarifa portuaria E-2 prevista na Lei 6/2003, do 9 de decembro, de taxas, prezos e exaccións reguladoras da Comunidade Autónoma de Galicia, e no artigo 49 do Regulamento de servizo e policía aprobado pola Orde ministerial do 12 de xuño de 1976.
A incautación implica que Portos de Galicia vai proceder ao alleamento da embarcación de acordo e cos efectos establecidos nos anteriores fundamentos. De non ser factible o alleamento en atención ao estado de conservación da embarcación, ou no caso de quedar deserta a venda, Portos de Galicia poderá trasladar a embarcación a vertedoiro autorizado, sendo todos os custos que isto implique a custa do propietario.
Contra a presente resolución que pon fin á vía administrativa e é executiva, poderase interpor recurso contencioso-administrativo nun prazo de dous meses contados desde o día seguinte ao da publicación deste anuncio, ante o Xulgado do Contencioso-Administrativo de Santiago de Compostela que corresponda.
O expediente completo para o seu exame e consulta está na sede dos servizos centrais de Portos de Galicia sitos na praza de Europa, número 5-A, 6º de Santiago de Compostela.
Santiago de Compostela, 26 de abril de 2016
José Juan Durán Hermida
Presidente de Portos de Galicia
