De conformidade co previsto no artigo 9.5 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, dáse publicidade dunha encomenda de xestión para o exercicio 2016 da Fundación Cidade da Cultura de Galicia á empresa pública Empresa de Transformación Agraria, S.A. (Tragsa), coas seguintes características:

Actividade: traballos de acondicionamento da vertente leste do baleiro onde se sitúa o Xardín Literario e construción dunha porta de acceso á galería de servizos da Cidade da Cultura de Galicia. Os traballos supoñen unha limpeza de fachadas, traballos de cerrallaría, construción de muros e gabións, plantación de especies tras acondicionamento da obra e instalación de rega.

Natureza e alcance da xestión encomendada: esta encomenda ten natureza intersubxectiva, ao ter Tragsa a consideración de medio instrumental da Administración segundo o dispoto na disposición adicional vixésimo quinta do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público.

Prazo de vixencia: o prazo de execución será de quince (15) días desde o inicio das obras.

Santiago de Compostela, 27 de abril de 2016

Beatriz González Loroño
Directora xerente da Fundación Cidade da Cultura de Galicia