Con data do 13 de abril de 2016, a Dirección Xeral da Función Pública fixo un emprazamento persoal a Cristina Sánchez Pérez, requirido pola Sala do Contencioso-Administrativo do Tribunal Superior de Xustiza de Galicia a esta dirección xeral, relativo aos aspirantes que realizaron o terceiro exercicio do proceso selectivo a que se refire o recurso contencioso-administrativo P.O. 350/2015 contra a Resolución do 7 de agosto de 2015, da Consellería de Facenda, pola que se desestima o recurso de alzada formulado contra o Acordo do 30 de abril de 2015, do tribunal designado para xulgar o proceso selectivo para o ingreso no corpo facultativo superior da Xunta de Galicia (subgrupo A1), escala de arquitectos/as, convocado pola Orde do 20 de xuño de 2013 pola que se dá publicidade a diversos acordos.

Logo de tentar, dúas veces, a notificación do citado emprazamento a través do servizo de Correos no domicilio que consta no Rexistro Xeral da Xunta de Galicia, esta non se puido practicar, e foron devoltas polo dito servizo, por «non retirado» tras os dous intentos, respectivamente, en que consta «ausente repartición».

Polo exposto, esta dirección xeral, en cumprimento do disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, en virtude deste anuncio, notifícaselle a Cristina Sánchez Pérez o emprazamento antes referido.

A interesada pode recoller a notificación da resolución mediante comparecencia nas dependencias da Subdirección Xeral de Réxime Xurídico e Relacións Laborais da Dirección Xeral da Función Pública (Edificio Administrativo San Caetano, s/n, 1-3º, Santiago de Compostela), das 9.00 ás 14.00 horas, no prazo de dez días contados a partir do siguiente ao da publicación deste anuncio no Boletín Oficial del Estado.

Contra a referida resolución, que pon fin á vía administrativa, a interesada poderá interpoñer recurso contencioso-administrativo no prazo de dous meses contados a partir do día seguinte ao da súa comparecencia para recoller a resolución, ou ao do transcurso do prazo previsto no páragrafo anterior sen que a interesada compareza, ante o Xulgado do Contencioso-Administrativo de Santiago de Compostela, conforme os artigos 8.1 e 14 da Lei 29/1998, do 13 de xullo, reguladora da xurisdición contencioso-administrativa (BOE núm. 167, do 14 de julio).

Santiago de Compostela, 13 de maio de 2016

José María Barreiro Díaz
Director xeral da Función Pública