Para os efectos previstos no artigo 15.2 da Lei 1/2016, do 18 de xaneiro, de transparencia e bo goberno, resólvese dar publicidade á relación dos convenios subscritos polo Centro Informático para a Xestión Tributaria, Económico-Financeira e Contable (Cixtec), nos meses de xaneiro, febreiro, marzo e abril do ano 2016, que se relacionan:
Título: convenio de colaboración entre a Escola Galega de Administración Pública e o Centro Informático para a Xestión Tributaria, Económico-Financeira e Contable para o desenvolvemento de actividades de formación, divulgación e investigación.
Obxecto: a participación nas actividades da EGAP do persoal dependente do Cixtec, así como a colaboración e o desenvolvemento conxunto de actividades de carácter formativo, divulgador e investigador en materias da competencia das institucións asinantes del; actuando de forma máis eficaz e eficiente na utilización dos medios humanos, materiais e de organización de cada unha delas, para un mellor cumprimento dos fins das dúas partes, en beneficio da cidadanía e da sociedade galega.
Sinatura: 4 de xaneiro de 2016.
Importe: 0 €.
Santiago de Compostela, 12 de maio de 2016
M. Mauro Fernández Dabouza
Director xeral do Centro Informático para a Xestión Tributaria,
Económico-Financeira e Contable