Aprobado mediante Decreto da Alcaldía do 27 de abril de 2016 o expediente de contratación, incluídos os pregos de cláusulas administrativas particulares-técnicas que rexerán o concurso para adxudicar a contratación do servizo de limpeza de edificios públicos no concello da Guarda, expóñense ao público durante oito (8) días, contados a partir do seguinte ao da última publicación deste anuncio no Diario Oficial de Galicia ou no BOP, para que poida presentar reclamacións quen se considere interesado.

Simultaneamente anúnciase o concurso, aprazándose a licitación se resulta necesario por formularse reclamacións contra os pregos.

– Entidade adxudicadora.

Concello da Guarda; praza do Reló, s/n, 36780.

Teléfono: 986 61 00 00, fax: 986 61 02 83.

Correo electrónico: alcaldia@aguarda.es

– Obxecto do contrato.

Servizo de limpeza de edificios públicos no concello da Guarda.

– Duración.

Dous (2) anos prorrogables outro ano máis.

Tipo de licitación.

75.000 euros anuais. Setenta e cinco mil euros (IVE incluído), respecto do que se admiten baixas.

– Modalidade de adxudicación.

Concurso público, procedemento aberto, tramitación ordinaria.

– Garantías.

Provisoria: non se exixe.

Definitiva: 5 % do importe da adxudicación, excluído o IVE.

– Exame do expediente.

Os licitadores poderán examinar o expediente na Secretaría Xeral do Concello, de luns a venres, das 9.00 ás 14.00 horas, excepto sábados e festivos, e ata o día anterior ao do remate do prazo de presentación de proposicións.

– Presentación de proposicións.

As proposicións presentaranse no Rexistro Xeral deste concello, de luns a venres, das 9.00 ás 14.00 horas, e os sábados das 10.00 ás 13.00 horas, durante o prazo de quince (15) días hábiles contados desde o día seguinte ao da publicación do último anuncio no BOP ou no DOG, na forma sinalada na cláusula 11 do prego de cláusulas administrativas-técnicas. Se o último día do prazo de presentación de ofertas é inhábil, prorrogarase ata o día hábil seguinte.

– Apertura de proposicións.

Ás 10.00 horas do terceiro día hábil seguinte ao de finalización do prazo de presentación de ofertas, a mesa de contratación procederá, en acto privado, á apertura dos sobres coa documentación xeral adminitrativa (sobre A).

Ás 10.00 horas do sexto día hábil seguinte ao da finalización do prazo de presentación de ofertas, a mesa de contratación procederá, en acto público, á apertura do sobre B.

– Gastos de anuncios.

Serán por conta do adxudicatario.

A Guarda, 27 de abril de 2016

Antonio Lomba Baz
Alcalde