Aprobados os pregos de cláusulas administrativas particulares e de prescricións técnicas que rexen a contratación da explotación do quiosco municipal, existente no parque público infantil do Espiñeiro, e para a instalación e explotación de terraza anexa, anúnciase a convocatoria para a súa contratación.
1. Obxecto: a contratación da explotación do quiosco municipal, existente no parque público infantil do Espiñeiro, e para a instalación e explotación de terraza anexa.
2. Duración do contrato: catro (4) anos, desde o día seguinte ao da sinatura do contrato e sen posibilidade de prórroga.
3. Orzamento mínimo de licitación: o valor estimado do contrato polas catro anualidades é de 20.040,00 euros (inclúe o canon de costas, 1.440,00 €/ano). O IVE é de 2.998,80 euros e o valor estimado total do contrato, incluído o IVE, ascende a 23.038,80 euros.
4. Procedemento e tramitación: a adxudicación realizarase mediante tramitación ordinaria e procedemento aberto (con múltiples criterios de valoración).
5. Lugar e prazo de presentación de ofertas: as proposicións presentaranse no Rexistro Xeral do Concello de Sanxenxo, das 9.00 ás 14.00 horas, agás o sábado, que será das 9.00 ás 13.00 horas, dentro do prazo de quince (15) días naturais contados desde o día seguinte ao da publicación do anuncio de licitación no Boletín Oficial da provincia de Pontevedra, no Diario Oficial de Galicia e no perfil do contratante do órgano de contratación que figura na páxina web do Concello www.sanxenxo.es. O cómputo de prazos comezará desde a última publicación en calquera dos medios citados. Faise constar que, se o prazo remata en festivo ou sábado, se ampliará ao día seguinte hábil que non sexa sábado.
6. Criterios de adxudicación: serán os sinalados nas cláusulas 9ª e 10ª dos pregos respectivos:
a) Calidade das instalacións: ata un máximo de vinte (20) puntos; para estes efectos, os licitadores deberán presentar unha memoria que describa a prestación do servizo na cal se recollerá obrigatoriamente o plan de conservación e mantemento do local (quiosco) e instalacións anexas (baños públicos e terraza) onde se prestará o servizo, e os incrementos de calidade na prestación sobre o previsto nos pregos que rexen esta contratación. Será valorada ata un máximo de vinte (20) puntos.
b) Prezo. A puntuación máxima que se outorgará por este criterio será de vinte (20) puntos conforme a seguinte distribución: a razón de dous (2) puntos por cada cinco (5) % de alza sobre a cantidade de 3.570,00, sen IVE. No caso de que se ofrecese unha fracción de incremento que non alcanzase o 5 % de alza, a puntuación que se outorgaría por esta fracción sería proporcional con dous decimais.
7. Mesa de contratación: constituirase de acordo co sinalado nas cláusulas 11ª e 12ª dos pregos respectivos.
8. Clasificación: non se exixe.
9. Solvencias: non se exixen, en virtude do disposto no Real decreto 773/2015, no punto 5 do artigo 11, por non superar o valor estimado do contrato os 35.000,00 euros.
10. Garantía definitiva do 5 % do importe total da adxudicación, excluído o IVE (das 4 anualidades).
11. Entidade e información: Concello de Sanxenxo-Sección de Contratación. Teléfono: 986 72 00 75. A documentación recollerase no Concello de Sanxenxo e a través da web www.sanxenxo.es Perfil do contratante.
Sanxenxo, 25 de abril de 2016
Gonzalo Gonzalo Pita
Alcalde