Para os efectos previstos na Lei 24/2013, do 26 de decembro, do sector eléctrico, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:

Solicitante: Unión Fenosa Distribución, S.A.

Domicilio social: travesía de Vigo 204, 36207 Vigo.

Denominación: LMTA SAL804 derivada ao CT Rubiós II.

Situación: As Neves.

Características técnicas: LMT aérea a 20 kV con condutor LA-56 de 967 metros de lonxitude, con orixe no apoio existente nº 1 HV-1000-15, na saída SAL804 e final no apoio existente nº 9 HV-1000-14 na saída SAL804. A instalación está situada nos lugares da Carrasqueira, O Couto e A Igrexa, na parroquia de Rubiós, As Neves.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, Edificio Administrativo, avenida Fernández Ladreda 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.

Pontevedra, 20 de abril de 2016

Ignacio Rial Santomé
Xefe territorial de Pontevedra