O Concello Pleno, en sesión que tivo lugar o día 31.3.2016, acordou aprobar definitivamente o estudo de detalle formulado para a solución técnica e estética dos soportais no ámbito do UZPI.2.R do PXOM vixente (antigo SUNP Sur-K do PXOU de 1990), solicitado por Jesús Pernas Carreiras, na calidade de presidente da Xunta de Compensación.

O acordo de aprobación definitiva do devandito estudo de detalle foille comunicado á Consellería de Medio Ambiente e Ordenación do Territorio da Xunta de Galicia, con data do 18.4.2016, en cumprimento do establecido no artigo 92.3 da Lei 9/2002, do 30 de decembro, de ordenación urbanística e protección do medio rural de Galicia.

Contra este acordo, que é definitivo en vía administrativa, poderase interpor, no prazo de dous meses, recurso contencioso-administrativo, ante o Tribunal Superior de Xustiza de Galicia, sen prexuízo de que se poida exercer, se é o caso, calquera outro recurso que se considere procedente.

Lugo, 18 de abril de 2016