Para xeral coñecemento, de conformidade co disposto nos artigos 72 e 104 e seguintes da Lei 29/1998, do 13 de xullo, reguladora da xurisdición contencioso-administrativa, faise público que a sección segunda da Sala do Contencioso-Adminstrativo do Tribunal Superior de Xustiza de Galicia, con data do 22 de febreiro de 2016, ditou auto número 00023/2016 de rectificación do erro material observado na sentenza 544/2015, do 17 de setembro de 2015, ditada no procedemento ordinario 4340/2013 interposto por María Sofía Tren Santiago, e cuxa parte dispositiva foi publicada no DOG núm. 16, do 26 de xaneiro de 2016; auto que na súa parte dispositiva literalmente di:

«A Sala acorda: a rectificación do erro material observado no encabezamento, antecedente de feito primeiro, fundamento xurídico primeiro e fallo da sentenza ditada por esta Sala no 17.9.2015, no sentido de que, onde di “nulidade da Orde da CMATI do 25.2.2010”, debe dicir “nulidade da Orde da CMATI do 25.2.2013».

Santiago de Compostela, 18 de abril de 2016

María Encarnación Rivas Díaz
Secretaria xeral de Ordenación do Territorio e Urbanismo