Cédula de notificación.
No procedemento de referencia ditouse a resolución cuxos feitos e parte dispositiva son do teor literal seguinte:
«Decreto.
Secretaria: María del Carmen Álvarez Iglesias.
En Sarria o vinte e seis de xaneiro de dous mil dezaseis
Feitos:
Primeiro. Promovido o presente procedemento de división de herdanza, convocouse a xunta aos interesados para o nomeamento de contadores-partidores que practicasen as operacións divisorias dos bens das herdanzas dos finados Manuel González García, Pedro González Díaz, Manuela Gómez Armesto, Filomena González González, Carmen González González, Josefa González González e Manuel López Rodríguez, e designáronse os letrados José Vispo Montero, Jesús García Bernardo e Jaime Félix López Arias como contadores, quen aceptaron o cargo e formalizaron as operacións particionais.
Segundo. Postas de manifesto as operacións divisorias na Secretaría polo prazo de oito días, facéndollelo saber ás partes, transcorreu o devandito prazo sen que aquelas formalizasen oposición.
Parte dispositiva:
Apróbanse as operacións divisorias dos bens das herdanzas dos finados Manuel González García, Pedro González Díaz, Manuela Gómez Armesto, Filomena González González, Carmen González González, Josefa González González e Manuel López Rodríguez, confeccionadas polos contadores José Vispo Montero, Jesús García Bernardo e Jaime Félix López Arias.
Unha vez firme a presente resolución remítase o caderno particional orixinal xunto con testemuño da presente resolución para a súa protocolización conxunta na notaría desta vila.
Así o dispoño, dou fe».
E como consecuencia do ignorado paradoiro de José Ramón López González, Manuel María López González e persoas descoñecidas e incertas que poidan ter interese nas herdanzas dos finados Manuel González García, Pedro González Díaz, Manuela Gómez Armesto, Filomena González González, Carmen González González, Josefa González González e Manuel López Rodríguez, expídese este edicto para que sirva de cédula de notificación.
Sarria, 1 de marzo de 2016
A secretaria xudicial