Expediente: IN407A 2015/211-1.

Promotor: Unión Fenosa Distribución, S.A.

Instalación: recuamento LMT, CT e RBT Drozo.

Concello: Cambre.

Feitos.

1. O 10.7.2015 o promotor solicitou a autorización administrativa previa, autorización administrativa de construción e a declaración de utilidade pública, en concreto da instalación de distribución eléctrica indicada.

2. Características técnicas:

– Desmontaxe do tramo da liña eléctrica de media tensión aérea SMC-701, a 15 kV, cunha lonxitude de 0,233 km, coa orixe no apoio nº 41/14 existente para retirar da LMT SMC-701, no tramo entre o CT Castellana (expediente 450/03) e o CT Drozo (expediente 26711), condutor tipo LAC-28 mm2 (para retirar) e final CT Drozo (expediente 26711) para retirar.

– Liña eléctrica de media tensión subterránea, a 15 kV, cunha lonxitude de 0,530 km, coa orixe en cela de liña existente no CT Freande (expediente 74/97), condutor tipo RHZ1-2 OL-12/20 kV 1×240 mm2 Al e final no novo CT Drozo (proxectado).

– Centro de transformación prefabricado Drozo, cunha potencia de 400 kVA e cunha relación de transformación de 15000/400-230 V.

– Liña de baixa tensión soterrada de CTC Drozo (proxectado), cunha lonxitude de 0,082 km, coa orixe no CTC Drozo (proxectado), condutor tipo XZ1 e final na rede de baixa tensión existente do CT Drozo.

– Liña de baixa tensión aérea de CTC Drozo (proxectado) cunha lonxitude de 0,229 km, coa orixe nos pasos de aéreo a subterráneo para realizar en apoio proxectado, condutor tipo RZ e final na rede de baixa tensión aérea existente no CT Drozo.

3. O proxecto someteuse ao trámite de información pública mediante resolución publicada nos seguintes medios:

– Resolución de información pública: 6.8.2015.

– DOG: 31.8.2015.

– BOP: 19.8.2015.

– Xornal La Voz de Galicia: 31.10.2015.

– Taboleiro de anuncios do concello: do 15.9.2015 ao 23.9.2015.

Ao mesmo tempo realizáronse notificacións individuais aos titulares que figuran na relación de bens e dereitos afectados.

No certificado de exposición pública do concello non se indica que se formulasen alegacións.

4. Non consta no expediente ningunha alegación.

5. Solicitouse o preceptivo informe aos seguintes organismos.

– Concello de Cambre: non consta informe, polo que se entende a conformidade coa instalación.

– Axencia Galega de Infraestruturas: consta informe favorable aceptado polo promotor.

6. Os servizos técnicos da xefatura territorial emitiron informe favorable sobre a dita solicitude.

Consideracións legais e técnicas.

1. Lexislación de aplicación:

– Lei 30/1992, do 26 de novembro, de réxime xurídico das administracións públicas e do procedemento administrativo común (BOE núm. 285, do 27 de novembro), modificada pola Lei 4/1999, do 13 de xaneiro (BOE núm. 16, do 19 de xaneiro, e BOE núm. 30, do 4 de febreiro).

– Lei 24/2013, do 26 de decembro, do sector eléctrico (BOE núm. 310, do 27 de decembro).

– Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).

– Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-LAT 01 a 09 (BOE núm. 68, do 19 de marzo).

– Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23 (BOE núm. 139, do 9 de xuño).

– Real decreto 842/2002, do 2 de agosto, polo que se aproba o Regulamento electrotécnico para baixa tensión (BOE núm. 224, do 18 de septembro).

– Real decreto 2563/1982, do 24 de xullo, sobre traspaso de funcións e servizos da Administración do Estado á Comunidade Autónoma de Galicia en materia de industria, enerxía e minas (BOE núm. 246, do 14 de outubro).

– Decreto 36/2001, do 25 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia (DOG núm. 34, do 16 de febreiro).

– Decreto 129/2015, do 8 de outubro, polo que se fixa a estrutura orgánica das consellerías da Xunta de Galicia (DOG núm. 194, do 9 de outubro).

– Decreto 175/2015, do 3 de decembro, polo que se establece a estrutura orgánica da Consellería de Economía, Emprego e Industria (DOG núm. 232, do 4 de decembro).

– Lei do 16 de decembro de 1954, sobre expropiación forzosa (BOE núm. 351, do 17 de decembro).

– Decreto do 26 de abril de 1957, polo que se aproba o Regulamento da Lei de expropiación forzosa (BOE núm. 160, do 20 de xuño).

2. Na visita de campo realizada para examinar a localización da instalación, non se apreciou, nos predios sometidos a expropiación, ningunha das limitacións á constitución da servidume indicadas no artigo 58.a) da Lei 24/2013, do 26 de decembro, do sector eléctrico.

3. No expediente consta un informe favorable dos servizos técnicos desta xefatura territorial.

De acordo con todo o indicado,

Resolvo:

1. Conceder a autorización administrativa previa, a autorización administrativa de construción e a declaración de utilidade pública da instalación de distribución eléctrica.

2. A instalación executarase no prazo dun ano, contado a partir da data de ocupación dos terreos.

A declaración de utilidade pública leva implícita a necesidade de ocupación dos bens e de adquisición dos dereitos afectados, e implicará a urxente ocupación para os efectos do artigo 52 da Lei de expropiación forzosa.

3. Para a posta en funcionamento da instalación autorizada, deberá presentar ante esta xefatura territorial unha solicitude a cal se xuntará a da seguinte documentación:

– As declaracións de conformidade relativas ao material ou equipamento e as certificacións ou homologacións, se procede.

– Un certificado do director da montaxe no cal se garantirá o cumprimento das especificacións do proxecto e prescricións complementarias, se as houbese, así como das regulamentacións e normas oportunas para a montaxe da instalación e posta a punto.

4. Esta autorización outórgase sen prexuízo doutras que fosen de aplicación segundo a lexislación vixente, en especial a relativa á ordenación do territorio e o ambiente.

Contra esta resolución, que non é definitiva na vía administrativa, poderase interpor recurso de alzada ante o conselleiro de Economía, Emprego e Industria, no prazo dun mes, contado a partir do día seguinte ao da notificación ou publicación nos termos establecidos na Lei 30/1992, do 26 de novembro, de réxime xurídico das administracións públicas e do procedemento administrativo común (BOE núm. 285, do 27 de novembro), modificada pola Lei 4/1999, do 13 de xaneiro (BOE núm. 10, do 14 de xaneiro), sen prexuizo de que os interesados poidan interpor calquera outro recurso que se considere pertinente.

A Coruña, 7 de abril de 2016

Isidoro Martínez Arca
Xefe territorial da Coruña