Para os efectos previstos na Lei 24/2013, do 26 de decembro (BOE núm. 310) do sector eléctrico, e no título VII do Real decreto 1955/2000, do 1 de decembro (BOE núm. 310) polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa previa e de construción da instalación eléctrica que se describe:
Solicitante: Unión Fenosa Distribución, S.A.
Domicilio social: A Batundeira, 2, Velle, Ourense.
Denominación: adecuación liña eléctrica aérea de 20 kV CHA810.
Situación: concello de Chantada.
Características técnicas:
1. Liña de media tensión aérea a 20 kV con orixe no apoio nº 13 existente da LMT CHA810 e final no apoio nº 16 proxectado, cunha lonxitude de 591 metros en condutor LA-110.
2. Liña de media tensión soterrada a 20 kV con orixe no apoio nº 16 proxectado e final no apoio nº 17 proxectado, cunha lonxitude de 330 metros en condutor tipo RHZ1-240.
3. Liña de media tensión aérea a 20 kV con orixe no apoio nº 17 proxectado da LMT CHA810 e final no apoio nº 18 existente, cunha lonxitude de 272 metros en condutor LA-110.
Todas aquelas persoas ou entidades que se consideren afectadas poderán examinar o proxecto e presentar as súas alegacións, nesta xefatura territorial, sita na rolda da Muralla nº 70, baixo 2, Lugo, no prazo de vinte días a partir do seguinte ao da última publicación desta resolución.
Lugo, 12 de abril de 2016
Pilar Fernández López
Xefa territorial de Lugo