A persoa titular do Servizo de Mobilidade da Coruña acordou a incoación dos expedientes sancionadores XC-00702-O-2016 e dous máis por infracción da normativa sobre transporte terrestre.

Unha vez intentada a notificación do acordo de incoación por correo certificado con xustificante de recepción no domicilio que consta no correspondente expediente sancionador, esta foi devolta polo servizo de Correos. Por este motivo e de conformidade co artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, a notificación efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia. En consecuencia, mediante este anuncio notifícanse os acordos de incoación ditados ás persoas interesadas.

Infórmaselles que os expedientes sancionadores están á súa disposición nas oficinas do Servizo de Mobilidade da Coruña.

Outórgaselles un prazo quince días (15) hábiles contado desde o día seguinte ao da publicación deste anuncio no BOE para alegar o que consideren conveniente e presentar ou propor as probas que coiden oportunas.

No suposto que decida voluntariamente pagar a sanción antes de que transcorran trinta días contados desde o seguinte ao da publicación do presente anuncio no BOE, a súa contía reducirase nun 30 % na forma prevista no artigo 146.3 da Lei 16/1987, do 30 de xullo, de ordenación dos transportes terrestres. A realización do dito pagamento implica a conformidade cos feitos denunciados, a renuncia a formular alegacións por parte da persoa interesada e a terminación do procedemento sancionador.

A Coruña, 5 de abril de 2016

César Concheiro Ceide
Instrutor xefe do Servizo de Mobilidade da Coruña

ANEXO

Expediente Matrícula Denunciante	Denunciado DNI/CIF Último enderezo coñecido	Infracción denunciada Data-Hora-Estrada-p.q.	Precepto cualificador	Precepto sancionador	Sanción proposta
XC-00702-O-2016 0544-JFZ Garda Civil 1504 H74822F	Serlotrans 2000, S.L. B27794965 Custa Madrid, nº 152 36318 Vigo (Pontevedra)	Diminución do descanso semanal normal. Igual ou superior a 42 horas e inferior a 45 horas. 3.2.2016; 9.35; N-634; 676,0	Art. 142.17 LOTT	Art. 143.1.a) LOTT	100 euros
XC-00703-O-2016 0544-JFZ Garda Civil 1504 H74822F	Serlotrans 2000, S.L. B27794965 Custa Madrid, nº 152 36318 Vigo (Pontevedra)	Exceso no tempo de condución bisemanal (90 horas). Máis de 90 horas ata 100 horas. 3.2.2016; 9.28; N-634; 676,0	Art. 142.17 LOTT	Art. 143.1.a) LOTT	100 euros
XC-00738-O-2016 0340-CFD Garda Civil 1501 I14478B	Trasancer S.L. B27457282 Lg. O Carrizo, Santaballa, nº 2 27800 Vilalba (Lugo)	Non levar a bordo do vehículo o título habilitante ou a documentación formal que acredite a posibilidade legal de prestar o servizo. 9.2.2016; 12.30; N-634; 634,3	Art. 18.5 do Real decreto 1032/2007	Art. 143.1.b) LOTT	201 euros