1. Entidade adxudicadora.
a) Organismo: Consellería do Medio Rural.
b) Dependencia que tramita o expediente: Servizo de Contratación.
2. Obxecto do contrato.
a) Tipo: contrato administrativo de servizos.
b) Descrición do obxecto: servizo para definir a estratexia de medios e soportes para desenvolver unha campaña publicitaria para sensibilizar e concienciar os galegos e galegas das consecuencias que se derivan dos incendios forestais.
c) División por lotes e número: non.
d) Prazo de execución: a duración do servizo estenderase desde a sinatura do contrato, previsiblemente o 30 de xuño, ata o 15 de novembro de 2016.
e) Admisión de prórroga: non.
f) CPV: 79341000-6 e 79341400.
3. Tramitación e procedemento de adxudicación: ordinaria e aberto suxeito á regulación harmonizada.
Criterios de adxudicación: recollidos no prego de cláusulas administrativas particulares.
4. Orzamento de licitación.
Importe neto: 346.279,80 euros; IVE (21 %): 72.718,76 euros. Importe total: 418.998,56 euros.
Valor estimado: 346.279,80 euros.
5. Financiamento: fondos propios.
6. Requisitos específicos do contratista.
a) Clasificación: non se exixe. Segundo as letras J e K da portada (se conta coa clasificación o grupo T, subgrupo 1, categoría 3 –equivalente á categoría C do Real decreto 1098/2001– estará exento de acreditar a solvencia económica e financeira e técnica ou profesional.
b) Solvencia económica e financeira e solvencia técnica e profesional segundo o disposto nas letras J e K da portada.
7. Garantía exixida: definitiva: 5 % do orzamento de licitación, excluído o IVE (17.313,99 euros).
8. Obtención de documentación e información.
a) Entidade: Secretaría Xeral Técnica da Consellería do Medio Rural. Servizo de Contratación.
b) Domicilio: edificio posterior dereito número 4, San Caetano, s/n, planta baixa, Santiago de Compostela.
c) Teléfonos: 981 54 57 37 e 981 54 57 38 (consultas administrativas); 981 55 72 41 (consultas técnicas).
d) Telefax: 981 54 40 47.
e) Enderezo electrónico: licitacion.medioruralemar@xunta.es
f) Data límite de obtención de documentos e información: ata a data límite de presentación das ofertas, todos os días laborables, excepto sábados, desde as 9.00 ás 14.00 horas.
Tamén se poderán obter os pregos relativos a esta contratación a través da internet no enderezo http://www.contratosdegalicia.es/resultado.jsp?N=24751
9. Presentación das ofertas.
a) Data límite de presentación: o 9 de maio de 2016.
b) Documentación que hai que presentar: a indicada no prego de cláusulas administrativas particulares.
c) Lugar de presentación: o único rexistro válido será a oficina de Rexistro Único e Información da Xunta de Galicia (Edificio Administrativo de San Caetano, s/n, 15781 Santiago de Compostela), poderase enviar por correo dentro do prazo de admisión sinalado a este rexistro único. Cando a oferta se envíe por correo certificado dentro do prazo de admisión, o licitador deberá xustificar a data de imposición do envío na oficina de Correos e anunciarlle a súa remisión ao órgano de contratación no mesmo día, mediante telegrama, burofax ou fax (981 54 40 47).
d) Prazo no que o licitador estará obrigado a manter a súa oferta: dous (2) meses contados desde a data de apertura das proposicións.
10. Apertura das ofertas.
a) Dirección: Sala de Xuntas da Secretaría Xeral Técnica da Consellería do Medio Rural.
b) Localidade e código postal: Santiago de Compostela, 15781.
c) Datas e horas: a apertura dos sobres B terá lugar, en acto público, ás 12.30 horas do 18 de maio de 2016. A apertura dos sobres C terá lugar, en acto público, no lugar, data e hora que se comunicará mediante a súa publicación no perfil do contratante e mediante o envío dun fax a cada un dos licitadores.
11. Gastos de publicidade: serán por conta do/dos adxudicatario/s.
12. Data de envío do anuncio ao Diario Oficial da Unión Europea: 30 de marzo de 2016.
Santiago de Compostela, 30 de marzo de 2016
A conselleira do Medio Rural
P.D. (Orde do 17.11.2015; DOG nº 223, do 23 de novembro)
Mª del Carmen Bouso Montero
Secretaria xeral técnica da Consellería do Medio Rural
