Eu, Susana Varela Amboage, letrada da Administración de xustiza do Xulgado do Social número 3 de Santiago de Compostela, fago saber:
Que no procedemento execución de títulos xudiciais número 242/2014 deste xulgado do social, seguido por instancia de Laura Barreiro Cobas e María del Mar Rial Viaño contra Prosalud Galicia CB, Sandra Meijide Ferreira, Fernando Acuña Piñeiro e Diego Carballeira Vázquez, sobre reclamación de cantidade, se ditou decreto, con data do 28 de marzo de 2016, cuxa parte dispositiva é do teor literal seguinte:
Parte dispositiva do decreto:
«Parte dispositiva
Acordo:
a) Declarar o/os executado/s Prosalud Galicia CB, Fernando Acuña Piñeiro, Sandra Meijide Ferreira e Diego Carballeira Vázquez, en situación de insolvencia parcial por importe de 1.209,51 euros de principal (532,94 euros de Laura Barreiro Cobas + 676,57 euros de María del Mar Rial Viaño), máis 417,89 euros de xuros de demora (184,14 euros de Laura Barreiro Cobas + 233,89 euros de María del Mar Rial Viaño) e 162,74 euros que se fixan provisionalmente en concepto de xuros que, se é o caso, se poidan percibir durante a execución e as custas desta, sen prexuízo da súa posterior liquidación, insolvencia que se entenderá para todos os efectos como provisional.
b) Arquivar as actuacións logo de anotación no libro correspondente, sen prexuízo de reaperturar a execución, se a partir deste momento se coñecen novos bens do executado.
c) Procédase á súa inscrición no rexistro correspondente.
d) Lévese o orixinal ao libro de decretos, deixando testemuño nas presentes actuacións.
Notifíqueselles ás partes e a Prosalud Galicia CB e a Diego Carballeira Vázquez no DOG, facéndolles saber que, en aplicación do mandato contido no artigo 53.2 da LXS, no primeiro escrito ou comparecencia ante o órgano xudicial, as partes ou interesados, e se é o caso, os profesionais designados, sinalarán un domicilio e datos completos para a práctica de actos de comunicación. O domicilio e os datos de localización facilitados con tal fin producirán plenos efectos e as notificacións neles intentadas sen efecto serán válidas ata tanto non sexan facilitados outros datos alternativos, sendo carga procesual das partes e dos seus representantes mantelos actualizados. Así mesmo, deberán comunicar os cambios relativos ao seu número de teléfono, fax, enderezo electrónico ou similar, sempre que estes últimos estean a ser utilizados como instrumentos de comunicación co tribunal.
Contra a presente resolución cabe recurso directo de revisión que se deberá interpoñer ante o presente órgano xudicial no prazo de tres días hábiles Se o recorrente non tiver a condición de traballador ou beneficiario do réxime público de Seguridade Social deberá consignar a cantidade de 25 euros, en concepto de depósito para recorrer, na conta de consignacións deste Xulgado do Social número 3 aberta en Banco Santander, conta nº 5076 0000 64 0242 14. Se o ingreso se fai mediante transferencia bancaria deberá ingresarse na conta número 000493569920005001274, e no campo “concepto” deberá indicar o número de conta 5076 0000 64 0242 14. Se efectuase diversos pagamentos na mesma conta deberá especificar un ingreso por cada concepto, mesmo se obedecen a outros recursos desta ou distinta clase indicando no campo de observacións a data da resolución recorrida utilizando o formato dd/mm/aaaa. Quedan exentos do seu aboamento en todo caso, o Ministerio Fiscal, o Estado, as comunidades autónomas, as entidades locais e os organismos autónomos dependentes deles.
Así o acorda e asina SSª. Dou fe.
A letrada da Administración de xustiza.».
Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial.
E para que sirva de notificación a Prosalud Galicia CB e a Diego Carballeira Vázquez, expido o presente edicto.
Santiago de Compostela, 28 de marzo de 2016
A letrada da Administración de xustiza
