1. Entidade adxudicadora:

a) Organismo: Consellería do Medio Rural.

b) Dependencia que tramita o expediente: Servizo de Contratación.

2. Obxecto do contrato:

a) Tipo: contrato administrativo de servizos.

b) Descrición do obxecto: servizo consistente no desenvolvemento da campaña publicitaria Produtos de Galicia: a calidade como valor de referencia para a promoción, sensibilización, comercialización e venda de produtos de alimentación.

c) División por lotes e número: si, dous.

d) Prazo de execución: lote 1: a duración do servizo estenderase desde o día seguinte ao da sinatura do contrato, ata o 15 de decembro de 2016.

A empresa adxudicataria deste lote deberá entregar unha versión final das pezas ofertadas conforme o establecido no punto 4 do PPT, nun prazo de 15 días naturais desde a sinatura do contrato.

No lote 2: a duración do servizo estenderase desde o momento posterior á entrega das pezas necesarias polo adxudicatario do lote 1, ata o 31 de decembro de 2016.

e) Admisión de prórroga: non.

f) CPV: 79341000-6 e 79341400.

3. Tramitación e procedemento de adxudicación: ordinaria e aberto suxeito a regulación harmonizada.

Criterios de adxudicación: recollidos no prego de cláusulas administrativas particulares.

4. Orzamento de licitación:

Importe neto: 694.580,08 €; IVE (21 %): 145.861,82 €. Importe total: 840.441,90 €.

Valor estimado: 694.580,08 €.

5. Financiamento: fondos propios.

6. Requisitos específicos do contratista:

a) Clasificación: non se exixe. Segundo as epígrafes J e K da portada (exceptúase a súa acreditación se conta con clasificación no grupo T, subgrupo 1, categoría 1 –equivalente á categoría A do Real decreto 1098/2001– para o lote 1; no grupo T, subgrupo 1, categoría 4 –equivalente á categoría D do Real decreto 1098/2001– para o lote 2 (ou para ambos os lotes).

b) Solvencia económica e financeira e solvencia técnica e profesional segundo o disposto nas epígrafes J e K da portada.

7. Garantía exixida. Definitiva: lote 1: 5 % do importe de adxudicación, excluído o IVE. Lote 2: 5 % do orzamento de licitación, excluído o IVE (32.869,5 €).

8. Obtención de documentación e información:

a) Entidade: Secretaría Xeral Técnica da Consellería do Medio Rural. Servizo de Contratación.

b) Domicilio: edificio posterior dereito nº 4, San Caetano, s/n, planta baixa, Santiago de Compostela.

c) Teléfonos: 981 54 57 37 e 981 54 57 38 (consultas administrativas); 981 55 72 41 (consultas técnicas).

d) Telefax: 981 54 40 47.

e) Enderezo electrónico: licitacion.medioruralemar@xunta.es

f) Data límite de obtención de documentos e información: ata a data límite de presentación das ofertas, todos os días laborables, excepto sábados, desde as 9.00 ás 14.00 horas.

Tamén se poderán obter os pregos relativos a esta contratación a través da internet no enderezo http://www.contratosdegalicia.es/resultado.jsp?N=24203

9. Presentación das ofertas:

a) Data límite de presentación: o 6 de maio de 2016.

b) Documentación que hai que presentar: a indicada no prego de cláusulas administrativas particulares.

c) Lugar de presentación: o único rexistro válido será a Oficina de Rexistro Único e Información da Xunta de Galicia (Edificio Administrativo de San Caetano, s/n, Santiago de Compostela, 15781), poderase enviar por correo dentro do prazo de admisión sinalado a este rexistro único. Cando a oferta se envíe por correo certificado dentro do prazo de admisión, o licitador deberá xustificar a data de imposición do envío na oficina de Correos e anunciarlle a súa remisión ao órgano de contratación no mesmo día, mediante telegrama, burofax ou fax (981 54 40 47).

d) Prazo en que o licitador estará obrigado a manter a súa oferta: dous (2) meses contados desde a data de apertura das proposicións.

10. Apertura das ofertas:

a) Enderezo: sala de xuntas da Secretaría Xeral Técnica da Consellería do Medio Rural.

b) Localidade e código postal: Santiago de Compostela, 15781.

c) Datas e horas: a apertura dos sobres B terá lugar, en acto público, ás 12.00 horas do 18 de maio de 2016. A apertura dos sobres C terá lugar, en acto público, no lugar, data e hora que se comunicará mediante a súa publicación no perfil do contratante e mediante o envío dun fax a cada un dos licitadores.

11. Gastos de publicidade: serán por conta do/dos adxudicatario/s.

12. Data de envío do anuncio ao Diario Oficial de la Unión Europea: 28 de marzo de 2016.

Santiago de Compostela, 28 de marzo de 2016

A conselleira do Medio Rural
P.D. (Orde do 17.11.2015; DOG núm. 223, do 23 de novembro)
Mª del Carmen Bouso Montero
Secretaria xeral técnica da Consellería do Medio Rural